حادث و وفاة .. !!

السلام عليكم و رحمة الله و بركاته ..


حلمت حلمين في نفس اليوم , و كل الاثنين كنت اصيح فيهم ..

الاول ـ كنت رايحه لبيت جدتي المتوفيه انا و بنت خالتي , عشان ناخذها معنا لبيتنا
و جدتي كانو بناتها مجتمعين عندها و بيروحون ..
وكانت منسدحه في السور و احنا معها ننتظر ابوي يجي عشان نرووح و كان معنا جدي
اللي متوفي ممن كان عمري 3 سنين
رحت انا و سلمت على جدتي قلت لها عرفتيني ! قالت ايه انتي فلانه بنت فلان و هي كانت مستانسه فيني و هي تقولها
شوي .. و صارت امي معنا في نفس المكان , قالت جدتي الله يعينكم على اللي صار له
قلت و انا مرعوبه ـ مين ! قالت ابوك انه سوّا حادث و دخلت القزازه في رقبته
هنا انا جلست اصيح .. شوي و جا ابوي برى معاه الجمس الاحمر القديم و ركبت معاه
و احنا في طريقنا للبيت كانت تمشي ورانا سياره ددسن فيها هندي و كأن ابوي اللي قايل له يلحقنا
و اشوف قدام بيتنا سيارتين ددسن وحده فيها هندي و الثانيه فلبيني و سيارةة اسعاف
خفت و سألت ابوي ليه مخليهم يجون هنا ! قال و هو مو مهتم و يدخن و عادي الوضع عنده :
ان سعود توفى < يقصد اخوي .. و بعدها صحيت من النوم و انا اصيح


الحلم الثاني كان بعد هذا ب 3 ساعات ..

و هالمره المكان في بيت جدتي الثانيه طلعت برى للسور و كانو فيه العيال الصغار يناظرون
قدامهم و هم يصارخون و خايفين .. تقدمت انا عشان اشوف وش يشوفون
شفت التانكي حق المويه الكبير طايح و جمبه بنت خالتي الصغيره اسمها لطيفه
طايحه و لونها صاير ازرق و مفتحه عيونها و بس تطالع فوق ما تتحرك و لا شي
خفت عليها و شلتها قلت خلونا نوديها الاسعاف كنت اصيح و مره خايفه و اللي حولي
و كان تبعهم امها عادي الوضع عندهم ما خافو
و فجأه صارت هي مو في يدي .. و يدي فيها اثار اشوفهم يسولفون و قالو انها ماتت
و محد تأثر بالحلم الا انا بس اصيح .. و انتهى


طمّن خوفي الله يجزاك خير و يكتبه في موازين حسناتك ..
علماً بأن عمري 20 و مو متزوجه