الثعبان

السلام عليكم ورحمة الله وبركاته

ياشيخ فيه قريبه لي حلمت احلام غريبه



الحلم الاول

وفي حلم آخر لها انها كانت جاسه هي ووالدها المتوفي وهي بحضنه وتحضنه وتسلم عليه
وعطاها اكل كيك بالشوكولاته واخذته منه ولكنها لم تأكله ماسكته بيدها
وقالها انا رايح وسلميلي على خالد وامك بس ماذكر غير اخوها وامها واخوها الي هي شافته مع ابوها وعطاه الجوال بالحلم الثاني



الحلم الثاني

ورأت هذه الفتاه حلم آخر ان ابوها المتوفي جالس بالغرفه وامامه اخوها وكان جواله بجانبه
وطلب الاب من اخوها الجوال وقال هذا آيفون هاتيه عطني اياه واعطاه اياه ولكنه ليس آيفون كما ذكر



الحلم الثالث وهذا الي هي خايفه منه

شافت انها كانت عند اهلها جالسه في غرفة من غرف البيت تبع الجلسه والمعيشه
وكل خواتها وامها موجودات معها بالغرفه وفجأه حست بيدها ثعبان صغير لو نه اسود
وهذا الثعبان ممتد ع الكف بين السبابه والوسطى ولكنه غير مرأ يعني تشوفه تحت الجلد
وممتد الى نصف الكف من الامام ومثلها من الخلف ولكنه بين السبابه والوسطى
وجلست تصيح وتحاول انها تبعده من كفها وتفرك حاولت تقشر الجلد فيه عشان يطلع منها وتقول فكوني منه ابعدوه عني
واختها الي اصغر منها واقفه عندها وهي الي كانت تشوفها من اهلها الموجودين بالغرفه وتطالع فيها
وبالاخير طلع منها وهالمره شافته يمشي على الكف بس لونه احمر فااقع مو مثل ماشافته تحت الجلد اسود
ومنقط بابيض ونحييف واخره مو موجود كأنه مأكول يطلع منه شرار وتحسه ع الجلد مثل الماس الكهربائي وفي خاطرها انه سم
وحاسه انه بينشر هالشي بجسمها الي هو السم الي حاسته كنه ماس كهربائي وينزل من يدها ع القدم
وهي تصيح وتهز رجلها تحاول تبعده عنها وتمسك بساقها عشان ماينتشر بجسمها وينزل من قدمها هو سريع مره
ويدخل داخل قفل الولاب الي بالغرفه يعني بالفتحه تبع مفتاح القفل الصغير جدا حتى انها استغربت كيف دخل مع هالفتحه الصغيره جدا
وهو غير مرأأ يعني ماينمسك كنه يختفي وماحد يقدر يمسكه سريع مره
و تقول حست براحه وتقول بخاطرها ايش هذا الي انا كنت فيه وتطالع بيدها
وصحيت ولقت يدها تحكها حكه غير طبيعيه بالكف وحكتها بالمره لين نامت
وبعدين لقيت خدش صغير مره بين الاصبعين الوسطى والسبابه ومايل ع السبابه اكثر
ورجعت نامت وهي تحكها ولما صحيت مره ثانيه ماصارت تحكها وماكنه صار شي اما الخدش مكانه لكنه مايؤلمها وماتحسه بالمره


============================


هذي ياشيخ مجموعة احلام وليس لها صله ببعضها حلمت كل حلم لحاله وبليله غير عن الباقي


-----------------------------------------------


معلومه بسيطه قد تفيدك

صاحبة الحلم هي فتاه متزوجه وحامل بالشهر السابع ووالدها متوفي واختها الي شافتها معها بالحلم
مخطوبه لاخو زوجها