؛؛ وش يمنعك لآتوآصلني وآنآ أموت فيك ؛؛

صبآحكم حنين
مسائكم لقاء

اهتز غصن الحنين وطآحت أوراق أبيك
من ريح فرقآك مير الله ستر مآانكسر
وأسقيته الذكريآت أردفت هذي بذيك
وأستورق بلآتغيب ولا يطول الهجر
تلآحق اللي تبقّى من الغلآ بين يديك
وش يجمعه لو تطوّل غيبتك وانتثر
يتلّني شوق لك رحمه على والديك
مآني بـ قد الصبر إلآ أنت قد الصبر؟
شف حآلتي في الغيآب أشكيك منك واليك
همٍ برى الحآل وعيونٍ طوآهآ السهر
وش يمنعك لآتوآصلني وآنآ أموت فيك
ظروف ليله ثلآث أسبوع يَاخي شهر
كمّلت ثآلث وانا كلّي شغلني عليك
ثلثين قلبي يبآس وثلث بآقي خضر
إن مآ سقيته وصل ماعاد هو مرتجيك
بآكر ليآ هبت الجوزه يطير الشجر
صبري على غيبتك باسم الغلآ مشتريك
لآفآرق بوسع عين ولاانت فآرق خصر
في غفلةٍ من زمآني كنهآ تحتريك
غنّت مقآدير روحي لين جآبك قدر
مرّيتها كنك الطرقي قبل تهتويك
من شفت زولك وخفآقي يكر الجمر
إلين قهوآك شعر من الغزل يحتويك
من يومهآ وانت لامن جيت فالمختصر
واليوم في غيبتك مانيب عاجز لااجيك
لكني أخاف لامن جيت مالي قدر
أبيك وأكذب عليك إن قلت مآتشتهيك
مشآعري يآنظر عيني وكلك نظر
أمآإحتضنهآ وصل وإلآ تسلّم عليك
تلقى بدآلي وانا بشحذ زماني صبر
،

أتمنـآ أن تروق لكم
من متصفحي هادي اللحظه