صبحيه العيد
ليــته درى صبحيه العيد وش صار
يـاهي جرت لي من عذابي هوايل
يوم الــعذارى بيحن بعض الاسرار
وجت الــسوالف بين قيل وقايل
هذي مـــعايدها قبل وقت الاسحار
وهذيك صاحـــبها عطاها رسايل
وهذي تـقول انه لفا البيت زوار
وهذيك راحت له زيــاره عوايل
وهذي تفاخر في غلا الصاحب البار
تــقول عايدها بكل الوســايل
وانا اطالع فوق ويـــمين ويسار
بالعـــيد ماحتي مشطت الجدايل
______________
ش اقول له
باكر يجي .. ياشيب عيني من الويل
من عقب ماســافر سنـــين مــديه
ش اقوله .. صاروا عيالي رجاجــيل
ش اقول له ؟ .. ماني بعهده وفيه
ان قـــلت لــه انا تــعذبت بــالحيل
وان قلــــت له اكبر عيالي سميه
يــبي يعذرني ويترك القال والقيل
والا يـجي ويـــــازماني عليـــه
وان جـــبت حـظي والمقادير تعليل
واني ضــــعيف ورغبه الله قويه
يــبي يـــصدق كلمــتي دون تحليل
والا يـــبي يـــنسف كـــلامي عليه
ش قــوله لــه ؟ ماينفعن الاقاويل
مــــادمت انا ماني بــــعهده وفــيه
الشاعره/ عابرة سبيل
العرض الشجري
