بين بدوي وحضري

[poem=font=",5,red,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""] بين بدوي وحضري:::
الحضري==
سلامي سلامي لأهل الحميه=هل الطيب والعز والمقدريه
قضيتوا ولاباقي(ن) به بقيه=عسى الله يحفظ ديار السعودي
البدوي==
يدوم البقاء يارفيق الوظيفة=علامك علينا علومك عنيفه
قلوب الحضر خابرينه نظيفه=عسى الله يحفظ ديار السعودي
الحضري==
على ماأنت خابر ولكن لقينا=هل البدو في دورنا تبتلينا
إذا أنتم نسيتم ترى مانسينا=عسى الله يحفظ ديار السعودي
البدوي==
إذا ربعنا للمدن ساكنينه=تراهم على علمهم حافظينه
عوايد على ماأنتم بخابرينه=عسى الله يحفظ ديار السعودي
الحضري==
أنا أقول راحوا ولاعاد باقي=من أهل البداوة بداري بواقي
أسامي تدلك عل ذوق راقي=عسى الله يحفظ ديار السعودي
البدوي==
صدقت بكلامي على ذوق ناسي=ولكن تذكّر إذا كنت ناسي
من اللي صبر يوم داري مآسي=عسى الله يحفظ ديار السعودي
الحضري==
قسم يارفيقي بأنّي إليكم=إذا ضاق صدري أحن وأجيكم
وأنا رغم ماقلت فيكم أبيكم=عسى الله يحفظ ديار السعودي
البدوي==
صدقت بكلامك وعندي دلايل=هل الحضر لو يكتبون الحمايل
لهم ضلع راسخ بكل القبايل=عسى الله يحفظ ديار السعودي[/poem]

فلاح العايد