بسم الله الرحمن الرحيم
السلام عليكم ورحمة الله وبركاته
اطرح لكم قصيدتي هذه وان شالله تنال اعجابكم ::
البارحه من جور الايام منضام
من كثر ماشفت النكد والبلاوي
..
لو نامت عيوني ترا القلب مانام
ولو شفت ضحكاتي ترا الهم هاوي
..
بسباب ناسٍ شفتها تال الايام
اللي يحسبون العروبة حكاوي
..
هذا ولد شيخٍ محنك ومقدام
الصامل النادر بعيد الهقاوي
..
وهذا فهيم وينذكر عبر الاعلام
وهذاك فعله يذكره كل راوي
..
وهذا يفكر كيف يدخل بالارقام
وهذا يشوش الياجدعن الغطاوي
..
وهذاك يبكي من سبب موت صدام
وهذا عقب صدام اصبح نداوي
..
هاذي عروبتنا سواليف واوهام
مامن جديد الا الفخر والغناوي
..
وين العرب صوب العروبه والاسلام
الشام مجروحه ولا له مداوي
..
اخواننا تذبح وتسلخ وتنضام
وحنا انتفاخر بالنسب والعزاوي
..
يالله ياللي للخفيات علام
انت الوحيد ولا لغيرك رجاوي
..
يامنزلٍ عم وتبارك والانعام
انت الكريم وسامعٍ للدعاوي
..
اجعل نهاية عامل الفرس الاعدام
ارسل على بشار كل البلاوي
..
وتنصر جيوش الحر في ديرة الشام
امين تنصرهم على كل غاوي
..
اخـــوكــــم / مـــتـــعـــب الـــلـــغـــيـــصـــم