قصيدتي في نور الدنيا وحبيبتنا حائل

كنت وعدت الزميله نور الدنيا انها اذا حلت درزن من لغوزي اقصد بها قصيده وفعلا

حلتهن وسويت هذه الابيات000

نور دنـيـانـا هـي الـنـور في دوره=ان جهلتوا مصدر النور واسراره
المـرابـع زارهـا الـنور مـن نـوره=نـوب نـور ونـوب ورده ونـواره
مـن يفـاخـر لمـعـة الـنـور وبدوره=نور نـوره حـط الاريـام فـي ناره
ثارت الغيره على الحور من جـوره=كم عـنودن من سبـب نورنا غاره
يـوم سـارت فـي بلـوزه وتـنــوره=نور مـثـل النـور بالبـدر واقـماره
فاح ريح الطيب من نور وعـطوره=نور برقـن لاح بالغـيـم وامـطـاره
نور كل البـيـض مـقـهور بحضوره=نـور دنـيـا وردة الـدار والحـاره
انـورت فـيـنـا ولا هـي بـمـغـروره=مثل نور النـور بالحـور ماصاره
الجـدايـل فـوق الامـتـان مـنـثـوره=زايـدن بالـنـاس قـدره ومـقــداره
يامـنـايـر نـور حـايـل وغـنــدوره=قالها اللي يطرب الناس باشـعاره
شاعرن فـي كل الاقـطـار جـمـهوره=وراويـة تاريخ الاجداد واخباره
ديـرتـه في كل الامـصار مـشـهوره=في جبل شمر هل الطيب وافناره
حـايل الـعـزه هـل الطـيب ونهوره=طيب حاتم بالجـبل شاعت اذكاره
ياجـبـالـن فـيـهـا الامجـاد مـبذوره=ياديـارن بالصـخـى فـاقـت دياره
ياصواريـم الـمـراقــيـب وطـيـوره=يامـسـيـلـن ضـم عـبده وسنجاره
ياحـروفـن فـوق الامجـاد مسطوره=ياسيوفن هـابـهـا الناس واشراره
ياسـبـاعـن مـنـها الاقـوام مـذعوره=ياقـلاع الطـيـب والطيب معـباره
يانجـوم الـكـون والـنـاس وسـروره=يامـوازيـن الـمـفـاخـر ومعـياره
ياسلايل نجـد والـمـجــد بـظـهــوره=ياسحـابـن يـروي الـكبد مدراره
ياكـفـوفـن بالعـرب تـنـثــر خـيـوره=ياكـبارن تـبـذر الطيب بصغاره
يافـيـاض الـمـجـد والطـيب وبحوره=ياذرى المـضيوم لاذاق مصهاره
ياعـقـولـن يـمـشي الطيب في شوره=ياقـلـوبـن حـطـت الطيب قيثاره
ياغـصـون الـمـجـد والورد وزهوره=ياغـلا ضـيـفـه وشوقه لمسياره
روح روحـي فـي زوايـاك مـسحـوره=وبين ظـلـعـانك حياتي ومنشاره