نظرة عيونك

لست بشاعر
ولكن لي محاولات بالشعر
وهذي القصيده إحداها
إرجو أن تنال إعجابكم

مالي ومال الحبّ لازيد فيني=غاب الفرح واحزاني المستمرّه
وين الفرح يازين وينه وويني=وايام عمري في غيابك مضرّه
تدري حبيبي يوم اشوفك بعيني=نظرة عيونك عمر عايشه مرّه
عمراً مضى والشوق فيني دفيني=تدري غيابك نار قلبي تحرّه
باغي وصالك شوف يكفي حنيني=يا بنت الأكرام الكرم شحّ مرّه
ليه المكابر ليه دامك تبيني=لا بالمكابر حبّنا لا تضرّه
جيتك وانا مشتاقًا اوفيت ديني=دينك سجنتي القلب وانتي بحرّه
يابنت قولي العمر طلّت جبيني=تدري يطول العمر لا من تمرّه
ياكم تمنيتك لعندي تجيني=تكحل عيوني آه للّٰه درّه
تدري تفاصيل الحلا في يديني=طاغي جمالك قلبي دايم يجرّه
مبسم يضاهي الصبح نوّر سنيني=صوتك لحن موتي المسامع تجرّه
غازلتها وتقول ندّى جبيني=سامرتها وتقول نعسان مرّه

بقلمي

أخوكم عبدالعزيز الشمري