يقولون الصدف دايم تجي أبرك من الميـعاد
واقول الصدفه اللي جابتك خلتني آعانـــي
ترفق لا تعذبني ترى تو الجـروح جـــداد
ترى لازالت أحزاني على خـبرك هي أحزاني
تحملتـك عـسى يوم ٍ عـرفتــك فـيه ماينعاد
تفـنـنت بعذابي وإبـتـدت بي غربة أزماني
صبرت وقـلـت تـتعـدل ولكن الصبر مافاد
على شانك تأكد صابـــر ٍ ماهو على شاني
هقيت إنك تبادلني غـلاي وفي شعـورك جاد
واثاريك إتــّـسلا والغلا حق واحد ٍ ثانــي
عظيمه كانت الصدمه على ماقـيل جبت اعياد
لعبت بحسبة أشواقي واحاسيسي ووجدانــي
على هذا أنا قـررت تركـك يـوم حملي زاد
وأنا وش اللي مصبرني على هــمي وحرمـاني
تركتك ليش؟ ماتدري .؟؟ سؤالك فيه لعب أولاد
لأني أرفـضـك لما تجاهـلني وتنســــاني
أنا بالطـيـب تـمـلكني ولـكن لا تجي بعناد
تحداني .؟؟ ترى مافاز قبلك من تحــــداني
العرض الشجري
