الحاكم الجبار

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,black" type=2 line=0 align=center use=sp num="0,black"]
شلعت الحشى ظالم وأنا ساكتن مظلـوم=وتجرح ضعيف الحال يالحاكـم الجبـار
ولا تبت من تركك جريح الهوى مسمـوم=وهو مدخلك وسط الحشى طايعن مختـار
ولا كنت أحسب أني رخيصن معك بالسوم=وأثاريك ما عندك لقلـب العنـاء مقـدار
أنا مكسبي من حبكم صـار قـل النـوم=وقلبن نزف دمه عقـب طعنـت البتـار
قضيت الليالي لاجلكم ساهـرن مهمـوم=مع انك رقدت الليل غافل عن اللي صـار
تسيل المدامع من قهر خافقـن مكتـوم=اذا ماذكرت خدودك اللـي تقـل جمـار
غدى خافقي طيرن عزيزن خذاه الحـوم=وراعيه ينشد سارح الطـرش والـدوار
رجمت الحشى من قبل لا تنذر المرجـوم=وحكمك صدر ظالم على خافقـن محتـار
رميتن بوجه البرد عاري بـدون هـدوم=بوجه الهبايب لا مـذاري ولا مـن نـار
حسافات ياقصرن بنيته غـدى مهـدوم=جداره عقب ما ناش غيمك وقع وانهـار [/poem]