سرحي شعرك أمانه كل ما هبت شمال

سرحـي شـعـرك أمـانـه كــل مــا هـبـت شـمـال
إضـربـي صــدر الهبـايـب وارسليـهـا للجـنـوب
شوحـي اطـراف النواعـم نـزلـي تــاج الجـمـال
عطّـري جــو المديـنـه غـنـي اللـحـن الـطـروب
بـيّـنـي لـلـنــاس قــــدرك واذبـحـيـهـم بــالــدلال
خـلـي العـالـم تـولـع فـيـك مثـلـي يـــا الـلـعـوب
لـو وقفتـي عنـد اجـا الشامـخ وقلتـي لـه تـعـال
مــا اتكـاثـر لوتـحـرك يـمـةَ الـصـوت الـعــذوب
أو همـسـتـي للـثـريـا حـوّلــت مـــا بـــه جـــدال
ثـم صفـت فـوق جيـدك عقْـد مـا تبـي الغـروب
صاحـبـي فـتـان حـيـل وفتـنـتـه فـــوق الـخـيـال
طاغي النظره حلـي الـدل مـزاحٍ ( ن) عجـوب
ان تكـلـم فــي كـلامـه يـذهـب عـقـول الـرجــال
وان سكـت يجـرح سكوتـه مستكـنـات القـلـوب
قلـت لـه يامـرهـف الاحـسـاس كـيـف الاتـصـال
قـال يـا مسكيـن خـل الـنـار فــي قلـبـك شـبـوب
شرعنـا مـا يـرحـم العـاشـق ولا يـرفـا الخـمـال
وكل شـيٍ(ن) عندنـا تـدري مسجـل ومحَسـوب
قـلـت ذنـبـي يــوم احـبـك صايرٍ(ن)كبرالـجـبـال
والله إن اسـري وذبحـي مـن كبيـرات الـذنـوب
سقيـة الظـامـي حــرام وذبـحـة المسـلـم حــلال
أشهد ان العدل عنـدك جـور والحـق مغَصـوب
المـقـام اكـبـر واهــم مـــن الـبـلاغـه والـمـقـال
والجروح اعمق واشـد مـن اللفايـف والنـدوب
آه واحــــري عـلـيــك و بالمـعـالـيـق اشـتــعــال
كـل مــا ولّــع حـريـق وكــل مــا هـبّـت هـبـوب
قـال طـول الهـرج عنـدي مـن علامـات الهبـال
وانـت رجــال وتـعَـرْف السَّـلـم وتــدِلّ الــدروب
قـلـت واعــزاه قــال ارجــوك مــن غيرانفـعـال
لا تنـبِّـه غافلـيـن الـســوق لـــو قـلـبـك يـــذوب
واحتـرف مثـل العسيـف اللـي مذيِّرهـا الجـفـال
واختفى بين الجموع ولا عرفت من ايّ صوب




م ن