بسم الله الرحمن الرحيم
اعجبتني
علها تنال القليل من اعجابكم
افرح هنا لاشفتها شوفة العين
كني طفل يفرح بشوف الملاهي
كني ملكت الهند والسند والصين
وافز من زود السرور امتباهي
الفاتنه بنت الرجال الموامين
اهل الفعول الخالده والدواهي
امرجحين بكل فعل الموازين
رجالهم فالكون وامر وناهي
اللي لوصل اهل الوفا دوم وافين
مايبخلون بكل مالن وجاهي
وقت المعارك كلبوهم سلاطين
والسلم يلقى الضيف كبشن وطاهي
والبنت شيخة زين واحلا من الزين
واحضورها بين الغنادير باهي
فحضوره نخوه ونخله وسيفين
وجمال عذب وحس راقي وراهي
كن الجمال احضورها بين قوسين
في ذوق متفرد ومترف وزاهي
في وصفها جزال القصايد عناوين
رغم ان شاعرها من الشوق تاهي
يتيه وايسجل من الشوق بيتين
كله على شانك يابو رمش ساهي
كلمات / اللحن الشجي.
العرض الشجري
