-=-كابتشينو غير شكل لانه من احلا حلا-=-

السلام عليكم ورحمة الله وبركاته
عندي لكم طريقة كابتشينو محصلش .. بتنسون الكابتشينو اللي تعرفونه

الغريب انه مافيه لاكريمة ولا اي شي دسم غير الحليب اللي بتجهزونه
اخليكم مع المقادير والطريقة

المقادير:
فنجان قهوة نسكافيه
نفس الفنجان ماء
نفس الفنجان سكر
خلاط
حليب ساخن (تجهزينه على النار باضافة السكر حسب الرغبة )

نخلط النسكافيه والماء والسكر في الخلاط
نستمر في الخفق
ونستمر في الخفق اللى ان يتغير لون النسكافيه ويصبح لونه مثل العسل او التوفي ويغلظ مثل الكريمة

نضع مقدار ملعقة او ملعقتين كبار في كوب كبير للكوفي ونخلطه مع مقدار بسيط من الحليب

ثم اضيفي بقية الحليب الساخن وحركيه خفيف

على فكرة تقريبا الرغوة راح تكون الى منتصف الكوب او اكثر يعني بصريح العبارة حتى نهاية الكوب الرغوة ما راح تختفي

اضيفي له للتزيين على الوجه بعض القرفة المطحونة او الخليط الجاهز للكابتشينو بطعم التوفي
وصحتين وعافية عليكم وارجو ان يعجبكم

اذا خايفين جربوا نصف المقدار وشوفوا النتيجة .. ماراح تستغنون عنه ابدا