وجيه ماتعرف وتسويق ببلاش
كلن يعد ارباحها والمعاشي
هذاك حصادٍ وهذاك طشاش
وهذاك حراثه على طول ماشي
وهذاك في فله وهذاك بعشاش
وهذاك لا فله ولآ له عشاشي
وناسٍ عيال شيوخ ومبزنسه كاش
وباقي الملا عنده عبيد الحباشي
وناسٍ يادوب الدوب يادوب تعتاش
اما حراج خبول ولا مواشي
ياقف لهم ياسافرو مثل رشاش
لاكن سلاحه غير بندق رشاشي
له بندق تطلق عياراتها فلاش
دايم وميضه مثل ضوح النواشي
يمصهم مص المجاعه للامشاش
لو الغزاله مابراسه عراشي
تبي الحقيقه صادقٍ طاش ماطاش
الشكوى لله دام مامن نجاشـي
الشاعر/متعب فارس بن طواله