هلا بشيخ الجموع السبع كله=الازمل من زحازيح الطناياء
وبالفزعات كلٍ شاهدن له=كبير القدر حلال القضاياء
وكم من مبتلا جاء فازعٍ له=يسوق الجاه وايحث المطاياء
يشيل الحمل والمشكل يحله=ويفك اقفال معضلة البلاياء
بشوش الوجه للي عانيٍ له=يسوق الوجه وايفك الرزاياء
هديب الشام حمله مايمله=صحيح الفعل ماهو بالحكاياء
وانا شاعر وقيفاني تجله=واللي شرواك ابارفع له لواياء
هلا في مجلسٍ يزها هلٍ له=حوو للطيب من كل الزواياء
غريب والمرا جل عادةٍ له=يرحب فيك وايزف التحاياء
واختم الشعر والجزل انتقله=وابافخر فيك و ارفع لك لواياء
(مشعل عسام الغافل التريباني) 1445/3/4هـ