فنجان قهوه الصباح للاخت بقايا حلم

طبعا هذا الصباح توقف عمل الدي سي أي ليتوقف تصفحي للنت ويبقى عملي على الجهاز فأحببت تقديم

فنجانا من القهوه في هذا الصباح للاخت العزيزه الزميله بقايا حلم هو عباره عن مقتطفات متفرقه من

اشعار وطرائف شعبيه او عربيه فصيحه لتتمتع بقرائتها خلال تناولها قهوة الصباح000

هناك قصيده مشهوره كثيرا ماتغنى على الربابه وتنسب للكثيرين من الشعراء وهي في الحقيقه للشاعر

خلف بن مسيعيد الجميلي والذي يقول عندما كان يعمل في قطر:
[poem=font="Simplified Arabic,6,white,normal,italic" bkcolor="green" bkimage="" border="double,9,black" type=2 line=0 align=center use=ex num="0,black"]

ليـتـنـا كـل خـمـس شـهـور نطـلـع بأجـازه=المـعـاشـات تـمـشـي والاجـازه مــديـه
ليـت مـن طـاف ابوسـمراء وخـرج جـوازه=خالصينن من التخريج والشــمـس حـيـه
فـوق بـنـز جـديــدن بـالـمـوديــل وطـرازه=مشـتـريـنـه بـكـد ذراع مـاهـو هـــديـه
مـاحـلـى حـدر ضـوح الشـمـس لـمـعة قزازه=يصفـق الـمـيل بالسـتـين من فوق مـيه
والـدريــول يـسـوقـه عـارفـن لامـتـيــازه=مابقـلـبــه لـصـنـع الـجـرمـني مرحـمـيه
والحـسـاء لو يجـونـه مـالـهـم فـيـه عــازه=وكـل واحـد على المـمـشـى يشجـع خويه
ناحـريـنـن عـشـيـرن خـز قـلـبـي خـزازه=الـلـه الـلـي صـخـرنـي لـه وصخـره لـيه[/poem]

طبعا شعراء الجميل (خلوي)كثيرون بارعون في الشعر لدرجه خياليه وهم يقيمون الان في حفر الباطن

واكثر اشعارهم في وصف الجمس والفرت والتهريب الذي كان شائعا في وقت ورود هذه السيارات في موديلها

64-66 وهي موصوفه بالسرعه مثل محطاب الجميلي والذي له العديد منها مثل:

[poem=font="Simplified Arabic,6,white,normal,italic" bkcolor="darkblue" bkimage="" border="double,9,black" type=2 line=0 align=center use=ex num="0,black"]
ياراكب اللي عليه الكتب مشخوطه=اربـع وسـتـيـن عـده دق خـياطي
يوم اشتريته وطلـعته من الحوطه=باربع وعشرين مربوطات برباطي
العين عن نوم تال الـلـيل ملـعـوطه=يـاكـن وسـطـه يذر بملح شخاطي[/poem]

وقوله في قصيدته ثانيه مشهوره:

[poem=font="Simplified Arabic,5,white,normal,italic" bkcolor="black" bkimage="" border="double,9,black" type=2 line=0 align=center use=ex num="0,black"]
ياراكب اللي يـهـيل القـلب برنوقه=ومـربع يشبه البـاكيـت مـطـفـاقي
شف المهرب اليا منه طرى شوقه=عجل الحركات مـنوة كل مشـتـاقي
لاقيل عنكم دروب الـبر مـطـقـوقه=واعلن عليه الخطر مع كل الاشناقي
ان ساعف الله وزان الحظ ووفوقه=اني لاهـرب وازاود كل محـراقي[/poem]

وقال في ثالثه من قصائده هذه:
[poem=font="Simplified Arabic,5,black,normal,italic" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

راكـب الـلـي تـاعـبـيـنـن عـلـيه الـمـتجَـر=هاف حيث الهاف ماله مع العالـم وجـود
احـمــرن سـته وسـتـيـن لـوحـاتــه سـمـر=فـي ثـلاثـيـن الف بالضبط للبيع امحدود
واشـتـراه الـلـي يـبـي قـطـف نـوار الزهر=دافـعـن كل الثـمـن كاش مايطلب قصود[/poem]

وقال ابن عـمـه سعد بن مسيعيد الجميلي قصيدته المشهوره ومنها:
[poem=font="Simplified Arabic,5,black,normal,italic" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

راكب اللي مشتريه الـوكـيـل بكـل نوط=في ثلاثين الف نقدا وخـمسه بالرباط
جمس شكمانين عندك بكـتـلـوجه شروط=ماركة مـمتاز من مصنعن شده ضباط
ماحصل فيه التماسات والا ضرب شوط=والتـوايـر جــدد مـع سبيرين احتياط
عـقب تـمـرينه ومـشـيه يمـوط القاع موط=يستـوي لـلي يحب المجاكر والغلاط[/poem]

وقلت انا في وصف بسيط مشابه في احدى قصايدي:

[poem=font="Simplified Arabic,5,white,normal,italic" bkcolor="green" bkimage="" border="double,9,black" type=2 line=0 align=center use=ex num="0,black"]
يالجـيـب هــذي جـبـال طـريـف ورجـومــه=مـلـزوم تـمـشـي مـدام الـنـفــس مـنــضامــه
وش لـي بـعـرعـر ودار الـزيـن مــعـلــومــه=مـوديــل عـامـك وعــيــن الـريــم قــدامــه
يالجـيـب فـوقـك شـجـاعـن عـايـفـن نـومــه=والـعـمـر يالجيـب خـمـس اشـبـار من خـامـه
ودفـاتـر الـمــشـتـرى بـالـدرج مــخـتـومــه=والـسـيـت مـخـمـل ومـع فــتـحــه ودعــامــه
يـشـدى لـطـيـرن قـفـاه الـريــح بـالـحــومـه=لاطـاف طـايـف خـيـال الــزيـن وزمــامــه
صـوتـه يـشـادي هـمـيـل الـمـزن بـحـزومـه=والا هــنـوفـن تـــغـنــج لـي بـــمــكــلامــه
مـن طـاح مـثـلـي بـحـب الــجـيـب مـالـومــه=مـالـــوم قـلـبـــن هـــوى ربــلات صـدامــه[/poem]

وقال جد عائلة المسيعيد الجميلي والذي لايحضرني اسمه الان جيدا لكتابتي من الذاكره وقال قصيده طويله

مليئه بالحكم والامثال مطلعها:

[poem=font="Simplified Arabic,5,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
انا بادي(ن)بـمـنـشَـي الرعد بالسـمــاء=طـبـيـب ولاغـيـر الاله طـبـيـب
نـشـت مـزنـتـن من نجد جت مستهله=غـدى سـيلـهـا يودع الـفـياض شـعـيب
انا شيــب عـيـني مـن رعـدها وبرقـهـا=مـن طــلـعـة البـيضاء ولـيـن تغـيب[/poem]

ومن هذه القصيده ابيات بتوصيف النساء منها:
[poem=font="Simplified Arabic,5,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

اوصيك شورك لاتطاوع به النساء=عشيرات من يضحك لهن قريب
وفـيهـن مـن هـي جـوزتـن ماتسرك=لاجـيـت عـنده بالفـراش حريب
وفـيهـن من هي قربتن تطرب الحشاء=لاشوتـلـت عقب الدباغ سريب
وفـيهـن مـن هـي علـة(ن)باطـنيه=وفيـهـن مـن هـي سـكر وحليب
وفـيهـن مـن هـي تفضحك لو طـميتها=دايـم عـلى بيـت القريب تلـيب
خـيار الـمـعـاني بتة(ن)من حبالها=اركب شـعـيـبن وارمها بشعيب[/poem]

طبعا كلامه واقعي انه فيهن العاليه وعكس ذلك0 لكن سمع بالابيات فاتن الرشيدي فقال كلامك صحيح

ماعدا قولك (فيهن سكر وحليب)لاني خذيت ثلاث حريم كلهن غثيثات فقال:

[poem=font="Simplified Arabic,5,white,normal,italic" bkcolor="teal" bkimage="" border="double,9,black" type=2 line=0 align=center use=ex num="0,black"]
يقول الرشـيدي والرشيـدي فـاتـن=الطيب كانه بالنـساء يضيـع
ان اكرمتها قالت انا اكرمت قبلك=وان اهنتها تسوي عليك شنيع
تاكل حـلالك ثـم تجـحـد جـمـيلك=حـسـيـبه اللـي مـنـزله رفـيـع
والياجـيت بالـمـرقد عطتك النقره=ماكنك الا فـوق شـوك نقـيـع
والـيا اصبحـت يـابـلـيس في قصتها=تلـسن تـشابه حـية البـديع[/poem]

وانا ضد كلام فاتن هذا بالرغم من ان ام فهد ضربتن بالصاج ضربة موت ماحسبت اني اعيش يوم تأخرت

ماسويت لها الشاهي وهي ماتضرب الا مع العلابي لما شفت الدنيا تدور بي الله يسلم يمناه فقلت:

[poem=font="Simplified Arabic,6,black,normal,italic" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
جاني من الحـرمـه شـنـيع الصوابي=اللي مع الهوشات يضحك حجاجـه
نجـمـن ضربني مع عريض العلابي=واثر الغلا شاحت من البعد صاجـه
ضيـعت من زود الـمـواجع جـوابـي=وقلت ابشري لو تطلـبـين اي حاجه
الله يـثـيـبــك في عـظـيـم الثـوابـي=خـلـيـتي الراوي شـبـيـه الــدجـاجه[/poem]

طبعا انا معروف بالشجاعه الرهيبه وارثها ورث والرجاجيل لو هم عشره فدعت بهم كلهم لكن لاشفت

ام فهد زعلانه يجيني بلاء من تحت الركب يسمونه(القعيطل)ومااقدر اتحرك لين تحوس مريري ثم

تروح وترجع لي شجاعة الرجاجيل0 ذيب والله اني ذيب يالربع00