يقطعك ياحبٍ توقّف على ماش !
يقطعك يا حبٍ توقف على ماش=ومن حب حلوين المظاهر بلاشي
اللي يبيعون المحبين ببلاش=حلوين الألسن والقلوب الغْشاشي
العرق لو قصّر على المي ماعاش=والشمس لو تغرب على الكون عاشي
تفخر بزينك يوم تَجْفِل وتنحاش=ماتدري اني منك قانع وماشي
من اولٍ عيني ترفرف بالارماش=جفن غطا والجفن الاخر فراشي
مطوّعٍ لك قلب ابيض من الشاش=ومستدخلك بين الضلوع الهشاشي
واليوم أبنقش سر حبك بمنقاش=الله ولا حبٍ سعى فيه واشي
للشـاعر/ خلف ابن هذال العتيبي.
|