رد على سميحان فهد (ابوطراد) الله يسعده

[poem=font="simplified arabic,7,black,bold,normal" bkcolor="white" bkimage="" border="double,8,black" type=2 line=0 align=center use=ex num="0,black""]
ياهاجسي حضّرجزيلات الالحان=ابيات في رد القوافي تليقي

اكتب بيوت الشعر بسلوب واتقان=وانسج حروفن بالذهب له بريقي

انسج بيوت الشعر لولو ومرجان=ابيات من نظمي وصافي رحيقي

ردن على صاف النوايا سميحان=اللي لنا وضّح مسار الطريقي

قله ترن بالفعل ماني ببلشان=واعرف دربي والمسار الحقيقي

لكن ترا الدنيا مهي مثل ماكان=لاحمل الله نفس مالا تطيقي

حنا تحت حكم الشريعه والاذعان=والدرب واضح والحواجز تعيقي

حكامنا ال سعود طلقين الايمان=اسيوفنا اللي با الدجا له بريقي

خلو سباع الغاب ترتع مع الضان=والديك يفرس عقب ذاك النعيقي

والا ترانا ياغشا الجو دخان=صطو اتنا منها عدانا تفيقي

نفعل ليامنه حصل هوش وجنان=نقدم ليا حل الكلام الوثيقي

ناطى فهقته بالقنات( ام) طيران=هذا لنا فعلاً قديمن عتيقي

عدونا يدعس ويوطا وينهان=وصديقنا يلقا حجاجن طليقي[/poem]

اخوك، /مشعل عسام الغافل التريباني في1442/8/12هـ