|
الإنتحار السعودي .. إلى أين ؟!
السلام عليكم ورحمة الله وبركاته .. على الرغم من كثر الموضوعات والقضايا التي يجب طرحها ومناقشتها إلا أني أرى أن التفحيط يجب أن يكون أول موضوع يُطرح على طاولة النقاش في هذا القسم الرائع .. طبعاً انا من اللي شافوا حادث "الكامري" المروع اللي حصل يوم الجمعه الماضيه ، والله يعفو عنهم ويغفر لهم ويصبر اهلهم .. وبرنامج الرئيس تكلموا عن مشكلة التفحيط عندنا و إرتباطها بترويج المخدرات والشذوذ .. هـ المشكلة بالذات تتفاقم ولا حلول ، أرواح راحت وناس كثير أنشلت من ورى التفحيط.. احياناً احس في حلقة مفقوده بـ قضية التفحيط ، ليش الدولة تقف موقف العاجز ولا حلول ناجعه ؟ رغم إنها قادره على الحلول و ردع هؤلاء المتهورين .. الشاب اللي يفحط ! ووش الشيء اللي يخليه يستهتر بروحه وبأرواح الناس ؟ ووش نوعية الحياة اللي خرجت هـ النوع من التفكير المستهتر ؟ كبت ؟ ظلم ؟ حرمان ؟ فقر ؟ بطر ؟ بطاله؟ كيف رسخ الإعتقاد عند هـ الشباب ان هـ العمل ترويح عن النفس وفله وهجوله ! نفسي أفهم كيف يفكرون ووش الخلفيه اللي تربوا عليها ؟ "المعززين" او الجمهور المتجمهر ، مقاطع عـ النت ومنتديات وتصاميم ووقت وجهد وبذل على هوايه نهايتها للأسف في الغالب محزنه سجن او وفاة او اعاقه إلا من رحمه الله وأهتدى .. و هـ الشيء معلوم عندهم مع ذلك مستمرين ووش اللي يدفعهم يحمسهم للتكرار والإستمرار .. تجي حوادث مروعه وكارثيه ويستمرون ولا يتعضون ! هي قلوب ميته ؟ او ما عاد عندهم هدف بالحياة ؟ وش بـ رأيكم الحلول الممكنه والناجعه ؟ هل فعلاً المفروض توفر لهم ساحات للتفحيط ويمارسونها كهوايه ؟ وماهي الهوايات البديله اللي تقترحونها تفرغ طاقاتهم في شيء ايجابي ؟ وكيف نجذبهم لـ هالأماكن ؟ سبل التوعيه ؟ اسلوبنا في توعية الشباب هل هو الخطاء وهو اللي دفعهم للاستمرار ؟ هل يجب على المشايخ والتربويين والمسؤولين والمجتمع تغيير لهجة الخطاب لعدم جدواه ؟ ولا البلا في قلية الشباب نفسهم ؟ أنا فقدت ناس غالين علي بسبة التفحيط وآخرهم وآحد قبل 5 شهور تقريباً .. الله يغفر له ويرحمه ويرحم جميع موتى المسلمين اللي راحو ضحايا لتهور المفحطين .. أتمنى من الأخوان الأعضاء الإدلاء بآرآئهم في هذا الموضوع للحد من هذه الظاهره المُميته .. إن أصبت فمن الله و إن أخطأت فمن نفسي والشيطان .. |
وعليكم السلام ورحمه الله وبركاته ..
تخيلتك تنآديني اسعد الله اوقاتك بكل خيررر .. واشككرك على هالطرح القيم اللي الحقيقة يستحق الوقفه من الجهات المعنية وكذلك البرامج لتثقيف المواطنين وتنويههم/ ويفترض ذكر عقوبة رادعـة قوية لهم حتى لا يُكررون هالعمل ! ولكن إذا كان الدعم من بعض هالجهات المسؤولة , انا من سُكان الرياض واعرف مواقع التفحيط اغلبها موب كلها/ ولا احب حتى اوقف عندهم لأنهم لاشيئ للأمانة ,, ولكن صدفة المسألة مع ولد أخوي ونطردهم الفجور على 3 صباحاَ لطلوع الفجور .. اللي لفت إنتباهي إن الجمهور بعضهم قُراب ال 50 قرب لل50 ويتفرج هذا كان في شمال الرياض موقع لهم ! موقع شرق الرياض نفس الحكاية جمهور وتجمهر على هالتفحيط , حتى راعين التريلات الأجانب يوقفون ويتفرجون لهم , طبعاَ تلقى هاللي يفحط مهوب بوعية واكيد المخدرات مؤثرة علية بالإضافة إلى ان السيارة ليست مُلكاَ له سرقة او إيجار ,, وتجد معُززين له إما من المواطنين او المسؤولينَ في الشرط والدوريات . له ابعاد كثرة هالظاهره ههذهِ إما بطآلة والبعض يصنفها تنفيس لهم والبعض هواية وووو .. إلخ/ الله يهديهم ان شاء الله .. ما عندي اي تعليق الحقيقة إتجاههم . ودي / |
اقتباس:
أحدهم يقول شي براسي وبسويه واللي يدعي نسمع دعاه منا ونطلعه منا " وهذا مات بعد اللقاء بأسبوع وآحد فقط " و أحدهم يقول هذي هوايه وسعة صدر , وأحدهم يقول كل طاره وله نهايه ! طيب دامك عارف هالشيء ليه ما تتوب ؟!! و أحدهم يقول طفش ولا فيه مكان نروح له ! كأنه يقول حطو لي مكان أروح له والا بأنتحر ..!!! والكثير الكثير من تعليقات الغير مُبرره صراحه .. و أغلب المفحطين بالتأكيد أنهم يكونون تحت تأثير المُخدر .. والا مافيه أحد صاحي ويمشي 200 و يفحط بهالطريقه الجنونيه .. و بالتأكيد أن مُرتادي أماكن التفحيط يجدون كل أنواع المخدرات في هذه الأماكن فهي بيئه قذره تضم المترديه والنطيحه .. ** الكل يتذكر حادث المفحط مشعل الشراري قبل خمس او ست سنوات .. في نفس اليوم اللي صار فيه الحادث , جاني خويي الصبح وقال بروح أحضر التفحيط وبصور تجي معي ؟! " التفحيط كان الظهر وكان يوم الأربعاء " قلت : لا منب جاي معك و إنت لا تروح والله مالك أي لزمه .. قال : لا بروح وبصور " خويي أحد المصورين المعروفين في عالم التفحيط " قلت : الله وياك بس أفضل أنك ماتروح أنا أشوف ان روحتك مالها داعي .. قال : لا بروح بس بتجي معي والا لا ؟ قلت : لا الله يستر عليك .. وطلع خويي لموقع التفحيط من بدري عشان يآخذ مكان يوقف سيارته فيه ويطلع فوق السياره ويصور المفحط وهو جاي من بعيد ويكون الإخراج والتصوير زين .. المهم إن المفحط مشعل الشراري دخل على الجمهور بسيارته وصدم من صدم وسلم من سلم ولكن خويي هذا كان أول ضحيه للمفحط لإنه كان واقف فوق سيارته ويصور و كانت سيارته قريبه من الشارع فصدمة المفحط كانت على السياره على طول وخويي توفى .. من بكره إتصل علي أحد أخوياي وقالي أن عبدالله توفى في حادث الشراري .. أي شخص يفتح اليوتيوب ويكتب حادث الشراري بيلقى عدة مقاطع للحادث وبيشوف سيارة خويي إللي كان أول ضحيه لـ هالحادث " سيارة خويي هايلكس " والله شي مؤسف ومحزن أننا نشوف مثل هالمقاطع و هالتهور و هالحوادث الشنيعه دون أن نحرك سـاكن .. شكراً لك أخي الغالي على تواجدك الله يعطيك ألف عافيه .. |
http://up.z7mh.com/upfiles/gpe57261.png
اسعد الله مسائك اخوي تخيلتك تنآديني وتسلم يدك ويعطيك الف الف عافيه عساك علي القوه انا اقول لبد من حد لها الظاهره المتهوره اللي تودي بصاحبها الي الهلاك والقتل المتعمد النفس المفروض الدوله توجد لهاااا حلول لها سنين دون تحرك ملحوظ منهم المسؤلين ينتظرون حل من السماء يجي المهم انا اقول تحويل الطاقه الي شي مفيد يعود لهم بالفائد مثل فتح مراكز رياضية وبهااا سباق بكل حي بحيث تمتص طقاتهم وتفريغها في المفيد شوي شوي خلاص تنتهي المهم كل شي له حل بس اين الوعي والسهر علي راحة المواطن والله يخليك موضوع جميل دمت بود http://up.z7mh.com/upfiles/gpe57261.png |
والله التفحيط ظاهره سيئه وخطيره بنفس الوقت ولكن يرجع الوم على الاهل الواحد يدلع ولده ويشريله سياره وهو متاكده ان ولده متهور ومراهق والامهات الله يهديهن تجيك لم ابوه وليش ولد فلانه معه سياره وولدي لا ولولد احيانن ماكمل الــ 14 من عمره وش يرجى منه اكيد بالعمر هذا مو مقدر خطورة هالشي يبي يستعرض ويفحط مبسوط وجاهل للاسف عسى الله يهديهم مانقدر نقول اكثر من كذا يعطيك العافيه تخيلتك موضوع جميل ومفيد تحياتي ..... |
موضوع آكثر من رآآئع لظآهره خطيره وقآتله .. الصحيح بالنسبه لي لا أعلم شيئاً مدى خطورة هذه الظاهره وانها منتشره بشكل كبير الا بعد مشاهدتي للمقطع المؤثر بالأسبوع الماضي ومشاهدة برنامج عن التفحيط والمفحطين ورؤية تلك المقاطع المرعبه التي تدمع لها العين حتى أدركت ان هذه الظاهره فعلاً ظآهره تحتاج الى علاج جذري وجدي رغم كما ورد بالبرنامج وجود الدعاة والمتخصصين وجهودهم الرائعه بدعوة الشباب ومناصحتهم ومحاولة معالجة تلك المشكله ... لكن لعلاج هذه الظاهره لابد من طرق وأسآليب قويه للحد منها وللحفآظ على تلك الأرواح التي تذهب هكذا لمجرد العبث ... والعلاج يكون من الاسره نفسها والمجتمع والمدرسه والشرطه والمرور والهيئه والدعاة والاعلام يعني جميع المؤسسات الموجوده بالمجتمع لابد من تكاتفها وتعاونها بذلك .. الابناء مسؤولية الآبآء والأمهات بالتوجيه والتربيه الصحيحه والمراقبه والمتابعه واختيآر الأصدقآء لأبنآئهم والسياره لا تترك بيد الا من كان على قدر من المسؤوليه ... المجتمع والمدرسه كذلك والاعلام بتوعية الناس لأضرارها ومعرفة مسبباتها ومحاولة علاجها منع تجمع وتجمهر الناس حول المفحطين والتحفيط لان ذلك استهتار بارواحهم عند التجمع والمشكله تكمن بانه لاعيره ولا اعتبار من الحوادث المأساويه التي حصلت وضع عقوبات رادعه للمتجمهرين والمفحطين من سجن وغرامه قد تكون سببا للحد من هذه الظاهره ... مثلا تخصيص مكان معين بشروط معينه وتجهيز هذا المكان بمَِ يضمن سلامة الآخرين ... والافضل يمنع التفحيط نهائياً ووالله انه مأسآه كبيره ........... واتمنى ان يدرك الآبآء أن الأبنآء أمانه بأعنآقهم .. كانت احدى الحلول الرائعه التي تم طرحها بالبرنامج هو منع التجمهر والجمهور وأنه اذا لم يوجد جمهور ستختفي ظاهرة التفحيط .. أسأل الله الهدايه لهم .. وشكراً يآ فآضل ,, |
فعلا موضوع رائع وجاء بوقته للاسف الي انا شايفتو هالظاهره كل مالها بتزيد يعني ماعتقد فيه حلول لانو الشباب مو عارفين خطورة الشئ الي بيعملوه او عارفين ومقتنعين انو موغلط واغلب شبابنا راحو ضحية هالظاهره واتمنى يكون فيه حل وسريع اما انو يكون لهم مساحه معينه يمارسو فيها التفحيط هاد اكبر خطأ مومعقوله يعاونوهم ع الغلط والاستمرا فيه والظاهره ماتكون منتشره اكثر الا بوقت الامتحانات و اغلب الشباب يعتبرها هوايه لكنها هلاك ودمار لحياته ياليت يستوعب الشاب خطورتها وهادا اهم شئ واستغرب فعلا فيه اباء يسيبو السياره بيد ابنائهم تحت سن 15يعني هنا الامر بيد الاب رغم معرفته بالخطوره اعتقد المسؤولين والدعاه ماقصروا من ناحيه البرامج التوعويه سواء بالاعلام او المدارس نسأل الله لهم الهدايه والله يحفظهم من كل سوء اخويا تخيلتك كل الشكر ع طرحك وفكرك الراقي |
ي كثر اللي راحوآ منآ بهالسبب :(
الله يرحمهم ويرحم موتى المسلمين اجمعين :( , ظاهرة التفحيط مو ذاك الشيء اللي مامكن يقضون عليه لو فيه مسؤليه لو فيه عقوبات صارمه لو فيه سياسيه يتبعونها صدقني سنه بالكثير سنتين مايكون فيه شيء بس لاسسف الجميع متهاون ( الامن بشتى انواعه متهاون ) مدري ماذاقوا اللي ذقناه عشان يحسون بالخطر او هو تهاون وعدم مسؤليه ! ورى بيتنا شارع سيدين ككككككبير دايمن دايمن يصير فيه مسيرات ونهاية الوقت يسسوون دائره في السيارات وهات يتفحيط وعااااااااااااااااالم ولك تتخيل معي كل مايصير كذا تجي اخر الوقت دورتين وتفرقهم بس ويروحون طيب ليش ماتوخذ ارقام السيارات ليش ماتحجز ليش مايوقفون الشباب ليش وليش اقسم بالله على الحال لنا سنتين كل بين اسبوع اسبوع نفس الشيء تفحيط وحاله بعد ساعتين او 3 تجي دورتين من بعيد يشوفونهم يمشون ! بالقصيم اختي تقول حارتهم انواع التفحيط بالحاره نفسها لدرجة تقول ماننام بالليل من الاصوات وكذا مره يشكي زوجها وبكل وقاحه يرد عليهم العسكري والله ذولاء ناس فوق يعطون عيالهم السياره وهما اعمارهم ماتعدت 15 ونجي ونمسكه ومن بكرى يطلع لانه ولد الفلان ! يعني ولد الفلان عادي يسبب الخطر على الناس عادي يفحط ويهتك ارواح اذا اهله مو مهتمين منه احنا مهتمين لعيالنا واهلنا :( بس تصير عقوبه صارمه بس تصير استراتيجيه قاسيه للمفحطين ماراح يصير اللي جالسين نشوفه للاسف وكل مدينه ومعروفه اماكن التفحيط فيها وين الامن عنهم هذي اسهل طريقه للحد منهم بس منو يسمع :( وغير كذا المفروض تصير محاظرات في مدارس الثانوي الجامعات من شيوخ من مفحطين سوابق من ناس اخذ منهم التفحيط اعز ناس يتكلمون ينصحون عالاقل يكون فيه تاثير معنوي يردعهم ! مانقول الا الله يحفظ شبابنا ويهديهم : ( عوافي وقلمك رائع : ) , |
اقتباس:
الله يسعد مسـاك .. و هـ الظاهره مرتبطه إرتباط كبير بالمخدرات فمن الصعب السيطره عليها و إستبدالها بأنديه رياضيه أو اشياء مفيده .. و هي تكون أولاً من الصحبه السيئه والتأثر بهم وبإفكـارهم المُنحلّه .. و إهمـال الأسره له دور كبير جداً في هذا الجـانب .. و يجب على الجهات المعنيه أن تقف وقفه صـارمه ضد هذه الظاهرهـ و عمل كمين لإلقاء القبض على هؤلاء المتهورين و معاقبتهم أشد العقوبه فأرواح شبابنا غاليه علينـا .. شكراً لكِ على تواجدك الله يعطيك الف عافيه .. |
اقتباس:
و مثل ما تفضلو الأخوان أنو هذه الظاهره سببها الرئيسي هو إهمال الأسره .. و يجب إحكـام القبضه على المراهقين لكي لا يحدث ما لا يُحمد عقبـاه .. الله يهديهم ويهدي جميع شباب المسلمين .. شكراً لكِ على تواجدك الله يعطيك العافيه .. |
اقتباس:
المتابع للتفحيط والهاوي لهذا الـجُرم يعرف عن التفحيط من قبله بفتره و يتم هذا عن طريق منتديات ومواقع مخصصه للتفحيط و يتم الإعلان عن وقت التفحيط ومكانه ومن هو المفحط الذي سيفحط و أشياء لا تخطر على بال من لا يعرف عن هذه الظـاهره .. يجب توعية الشباب في كل مكـان عن هذه الظاهره و أضرارها و مخاطرها للحد من هذه الظـاهره .. و يضل تعاطي المخدرات والفراغ و الإهمال هم أحد أهم أسباب إنتشار هذه الظـاهره .. حينما يعرف المفحط عقوبة التفحيط فبالتأكيد أنه سيتمادى أكثر و أكثر وذلك لإن عقوبة التفحيط يسيره جداً وليست عقوبه صارمه .. فالمره الأولى يتم توقيف المفحط لمدة خمسية أيام وغرامه بحدها الأوسط وحجز المركبه لمدة شهر " وفي الغالب تكون المركبه مسروقه أو مستأجره " المره الثانيه يتم توقيف المفحط عشرة أيام و غرامه بحدها الأعلى وحجز المركبه شهرين .. أما في المره الثالثه تحجز السياره و لابد من حضور كفيل ليكفل المفحط ويرفع عنه إلى أمير المنطقه .. شكراً لكِ على تواجدك الله يعطيك العافيه .. و ألف شكر على التقييم , شهـاده أعتز فيهـا .. |
اقتباس:
و كل من يمارس التفحيط أو يتابع التفحيط يعرف خطورة التفحيط وما يمكن أن يحدث نتيجة هذا الفعل ولكن يتحججون بإنها هوايه وقتل للفراغ وحينما تسأل أحدهم عن أنه من الممكن أن يموت أو يتسبب في موت أحد سيكتفي بقول إنه قضاء وقدر .. شكراً لكِ على تواجدك الله يعطيك ألف عافيه .. |
اقتباس:
و بالنسبه للشارع اللي ورى بيتكم , يجب أن يضعون فيه مطبات صناعيه للحد من التفحيط في هذا الشارع , و الدوريه ممكن أنها تسجل أرقام السيارات ولكن أغلب هالسيارات تكون مستأجره أو مسروقه يعني سجلو رقم السياره والا ما سجلوه النتيجه وحده .. و عقوبات التفحيط يسيره ولا يمكن أن تردع المفحطين أبداً .. و المفحطين السابقين ما قصرو وينصحون بكل مكـان ولكن دون جدوى .. الداعيه مساعد الشلهوب " مفحط سابق " بعد حادث المفحط مشعل الشراري تواجد مساعد الشلهوب في مكان الحادث ونصح الشباب ولكن مافيه أي فايده قلوب ميته , ينصح ويتكلم والشباب اللي يدخن واللي يضحك واللي يصور واللي يكلم ويشرح لخويه سالفة الحادث وينكّت ..! شكراً لكِ على تواجدك و إشادتك بقلمي البسيط .. الله يعطيك ألف عافيه .. |
| الساعة الآن 05:11 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010