السادسة ، غلطة العمر

بسم الله الرحمن الرحيم

مشاركتي لهذاء اليوم ابيات قلتها قبل فتره
شبه نصيحة عامه
والمقصود شخصآ معينآ ،
اقول :

مافات مات وغلطة العمر مره ،
ولالك عن المقسوم ياالعبد حيله
وكثر الحسايف خاطرك ماتسره ،
تزيد الهموم ولا تبرد غليله
ولاضاع عندالله مثقال ذره ،
والرزق خلاق الخلايق كفيله
اللي قسم وسط السماء باالمجره ،
و ارسا شواميخ الجبال الثقيله
اوصيك يااللي فرك الوقت فره ،
برآي المفكر والعقول النبيله
من جرب الدنيا بخيره وشره ،
مثل خبير البوصلة والدليله
المقبلات ان عاش برده وحره ،
يعرف إيتصرف والتجارب فضيله
خذ الدروس ولاتلوم وتشره ،
ماينهض الرجال ياكود حيله
المساعدة ماضنها مستمره
وعزي لمن عون الخلايق حصيله
ومن لا اعتبر من كل شيئآ يمره ،
يصبر على من الرجال البخيله
والغيب ماحدآ كاشفآ علم سره ،
وماضاع خله و اطلب الله بديله
ولا احد معصوم عن الغلط والمغره ،
ولا احدآ تعلم بين يومآ وليله
وجنب طريقآ شفت منه المضره ،
واللي مشأبه والفتى من خليله
راع الجهل نفسه عدوه تجره ،
على طريق السوء وخباث جيله
الشلة اللي ياتدهور تبره ،
وكم و احدن سبة ضياعه زميله
احدآ يتوب ويهتدي لوا يوره ،
بول حياته و إيتعدل سبيله
و احدآ ولو سود الليالي تكره ،
كل المصايب باالسنين الطويله
شره يزود وله عباتن يشره ،
يضفي على من كان حوله شليله
تلقاء مع الجهال دايم مقره ،
مع كل جيلآ طالعآ مع مديله
على هوى الشيطان نفسه مصره ،
ودايم بعوز وحاجته ماقويله
جهاز راسه محترق سلك زره ،
والمعالجة في حالته مستحيله
هذاء زمانآ خلط حلوه ومره ،
سم وعسل مع سكره حنظليله

الموضوع الأصلي: السادسة ، غلطة العمر || الكاتب: صهد الشمري || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

[align=center]
اتيت اليوم لا ارتوي من معين كلماتك الوضاءه

دام قلمك وسماء فكرك

ان كلماتي هنا تعجز عن شكرك

ولكن اقول لك وبكل صدق لا داعى ان تقهر نفسك على شخص ممكن لايستحق حتى الكتابه علشانه

لان مكانك محفوظ بقلب طاهر مثلك

دمت مبدع

تقبل مروري المتواضع
[/align]

:
الابيات ذوق مره ياحيي
صح لسانك ملايين
لاهنت

صح الله بدنكم جميعآ وشكرآ لكم جميعآ سوآ للاخت ملكة الصباح والاخت اضحك للدنيا
عافاكم الله ووفقكم

صباحك عقد الجمان .. صباحك ريح الأفنان ..صباحك معطر بذكر الرحمن


صح لسانك بليوون .. ولا يسدووون

بيض الله وجهك ولاهنت .. ع الإبداع الراقي

قصيده جزله وشامخه.. من شاعر شامخ وجزل

بإنتظار بوحك الراقي والمميز

تمنياتي لك بقضاء أسعد الأوقات في طاعة الرحمن

مودتي لك

صح لسانك ملايين
لاهنت

قصيده
وافيه
جزله
سلسة المعاني
مفعمه بالنصائح
صح لسانك
وبيض الله وجهك
وتسلم يمينك من كل شر
دمت بخير لاينتهي

صح بدنكم وسلمتوا من كل شر عافاكم الله جميعآ
وتقبلوا تحياتي وتقديري