السلام عليكم ورحمة الله وبركاته
منقوله
بالشعر ياهل الشعر دوم اتفنن=وبيوته ابنيها علا الساس بنيا
معنا علا معنا وقاف مقنن=القاف والمعنا وزين اللحنيا
مره كما السلوى ومره كما المن=ومره كما الثنتين يوم استونيا
هذي حقيقه واضحه مابها ظن=ماني بجاهل شامها واليمنيا
وان صالن هجوسي فبالي وجالن=ما اقدم الا غاليات الثمنيا
والشرد الي من ظلالي يهجن=وليا سمعن طقة عصاي جفلنيا
ودبتهن لين اذعنلي وطاعن=وحكمتهن من دون قيد ورسنيا
مودبات وبالحلايا يتحالن=وليا زهمت بطوعهن ارجعنيا
وانجا لزومي كلهن بالطلب جن=مافيهن الي عن لزومي تونيا
من كل حدب وصوب جن يتلافن=وجني علا الموعد سوا وحضرنيا
ولدن نظرهن وكسرن ماتعدن=وقبل اكمل الي بالضمير كملنيا
وبين ضميري للعرب كل ماكن=وكل الذي بالقلب جابه علنيا
والقلب من كثر الطواري تجنن=ومنه الضلوع الحانيات اشتكنيا
واثر القلوب انواع كل وله فن=تباينن باوصافهن مااختفنيا
قلبً بجوا الجوف يقرع كما الشن=وقلب بحلو سباته ولا فطنيا
وقلبً من الي فيه ياكثر ماون=علاه دمعات العيون شهدنيا
وقلبً معاليقه علاه يتلون=يشكن من جوره وجور الزمنيا
وقلبً مريح من همومه ولاحن=عنده حلول عقودها اليا التونيا
وقلبً زمانه حامسه حمسة البن=وحطه لميلاته ملاذ وسكنيا
وهذي دواليب الزمن درس وسنن=وكل الدلايل من عناه طلعنيا
خلا الذياب الشهب دوم يتعاون=حتا الوحوش من القدر ماسلمنيا
دنيا علا وجهين دايم تلون=يالله دخيلك من صدوف الزمنيا
احدن تخليه اليالي بلا سن=واحدن جماله بالحمول ابركنيا
علا المثل يالي للأمثال تفطن=يوم الضوامي للقليب وردنيا
حبال مطويات مناً ورأ من=وحبال عن جم القليب قصرنياَ
ناصـــر الشميلانـــــي
العضو الأكثر نشاطاً هذا اليوم 
العرض العادي
