إطلالة أولى وجيتك (يابعـد حيي)

اقتباس: المشاركة الأصلية كتبت بواسطة حمودع التميمي    اصـــافح ذائقة الشعر - بهذه الكيبوردية المتواضعة. مع اعتذاري إن لم تروق لكم فقد كتبتها في هذا المتصفح ولم اراجعها. اقبلوها كماهي: [frame="2 60"] ســلام الله على منهو تحـرى جيتي شفقـان وجيتك (يابعـد حيي) يالبــا من ينـــاديني أجاوب من دعاني من معزة والرجال أخوان وأقـدر من فــرح فيني.. وأحيي من يحييني وصلتك يابعد حيي وصلتك والغـلا عنوان وأنا كلي فخر بالــدعــوة اللـي من محبيني تلاقينـا على عـز ومعــزة والعلــوم سمان عســى اللي عــالم النيــه يوفقني ويهـديني على ربي توكلنـا نقــول ونلعن الشيطـان ابرقى والهدف سامي ولاأبغى من يوصيني لعينك يابعد حيي حضرت وحان وقتي حان وصلت وبإذن ربي ماتخيب ضنونكم فيني [/frame] حمود بن عيسى التميمي

اقتباس: المشاركة الأصلية كتبت بواسطة قبلان الخمسان    صح لسانك جزل تقبل كيبورديتي بصدر رحب [frame="2 70"] هلا مية هلا يامرحبـا بمطوع القيفــان حظرت وجيتك ياحمود عيسى تمتع العيني سلاطين الشعر تحفظ مقام وهيبة السلطان على قول المثل يقرا الكتاب من العناويني هلا في مقدمك بسم الجميع يقولها قبلان عدد مافي حرم مكه وطيبه من مصليني بحور الشعر سبعه والبحر هذا يبي ربان وانا مذكر طرقته واعذرا" يابن الكريميني [/frame] حياك ربي شاعرنا الجزل حمود التميمي تشرفنا بوجودك معنا شاكرين تلبيتك الدعوه ومقدرين للاخ الساري جهوده الموفقه

أخي الشاعر القدير قبلان الخمسان
اسعد الله أوقاتك
صح لسانك على الرد الوافي من شاعر وافي
شاعر متمكن ياقبلان ما شاء الله تبارك الله
أما البحر - فأنا أكتب الشعر من حوالي 23 عام لم افكر يوماً باسم البحر لأي قصيدة من قصائدي .
أهم شي أني اكتب القصيدة على بحر واحد دون خلل - ويقول أحد الشعراء أن هذا البحر هو بحر الهزج وهو متعارف عليه بالفصيح أكثر من النبطي.
قرأة ابياتك الجزلة وتهيضت وكتبت لي بيتين كرد جميل وهي أقل من حقك .

[frame="2 70"]

هلا عـّد المزون اللي تعل خريم والصمـان
هلا بأبيات قبــلان ..وقبــال الحي يحييني


هـلا بك والبقـاء يامن (بعد حيي) لهم عنوان
وأنا أتشرف ليا صارت(بعد حيي)عنواويني


وأنا أشهد تو بدع الشعر زان وتو بالي زان
اشوش ليا وردت العذب والجـزلات تغريني


يطيب الشعرعند أهل القصيد ويطرب الولهان
ماقول يقــال لي ..هــذي بيوتك من براهيني

[/frame]

حمود التميمي
ولك شكري وتقديري