يانديمي دوك شعري وده الغالي هديه=لجل يدري ليه خله بالهوا قال الوداع
البحر موجه غلبني والقصايد شاذليه=راسب الله لايهينك في شعورك يالشجاع
السفينه روحت بي للضفاف الساحليه=والعواصف من عبثها ادمنت قطع الشراع
ايه احبه حب قيس لروح ليلى العامريه=لكن اضحت ماتبيني والخبر للناس شاع
طال وقتي في رجاها والليالي سرمديه=الغلا من ينتحي به سكته سكت ضياع
الاماني ماخذتني صوب وضّاح الثنيه=والحظوظ اللي غدتبي عرضتني للسباع
صاحبي ان قلت حسنه بالبشر مافيه زيه=ماوفيت بربع حق عيونه السود الوساع
فيه زين وفيه طيب وفيه قوة جاذبيه=لكن الله لايهينه يهتوي لوي الذراع
جاك شعري يابعدهم واقبله مني هديه=لجل تدري ليه خلك بالهوا قال الوداع
:
:
:
:
اهداء خاص للسلف
الهنوف اللي خذت قلبي معاها=جننتني بالغلا واقفت وراه
لعن ابوها يالسلف يجري غلاها=في عروقن دمها اضحى فداه
فتنة ٍ من شافها يعشق مدآها=ولايحب من الفضاء الا فضآه
الحلا يزداد غيره من حلاها=كنّها وجه القمر باعلى سماه
الصباح العذب ياخذ من شذاها=ويتقهوى الخير من نبرة شفاه
الشهد يزدان في حمرة شفاها=توتينه تنسي الضامي ضماه
جل منهو ميزه عن من سواها=الله اللي صوره واكمل بهاه
بقلمي