مع التحيه والتقدير لكل العابرين
كل ما فكّرت باصحابي اعزاز النفوس=اتعب هجوسي واماريبهم صبح ومسا
ماعلي دامي مع الركب مشدود الهجوس=مانسيت وخالقي مابهم واحد نسا
روسهم هي هامت المجد والذل محبوس=طيبهم هو ديدن الطبع والهيبة كسا
زارعين احساسهم زرع والود مغروس=والهقاوي فوق مركب على القمّة رسا
كل واحد للصعيبات من راسه يروس=ماكتمت الحس لا قلت للروس ريسا
النفوس معودينه على الحرب الضروس=من شوامخ نجدهم لا قطيف ولا حسا
المخوّة درس ودروس من ضمن الدروس=وخوياي دروس لو قاسي الحاضر قسا
ما نزل بصفوفهم لا حقود ولا بلوس=تاركين بليس لبليس وابليس يخسا
افتخر برقامهم واحتمي رقم الجلوس=واعساي اصل على حد ما وصلو عسا
كل ما فكرت باصحابي اعزاز النفوس=اتعب هجوسي واماري بهم صبح ومسا