بنات الرياض
الروايه اللى قومت الدنيا وقعدتها
راح اتكلم لكم عن رأي المتواضع فيها
بصراحه الروايه اقل من عاديه ومكتوبه باللغه العاميه باسلوب ساخر بعض الشيء
مدرى شلون صارت روايه اصلا
( يعني بكل بساطه كنه واحد جالس يكتب فى منتدى ساخر )
الفرق الوحيد انها هي طبعتها وعملتها كتاب
طيب ليش هالضجه حول الكتاب ؟
اتصور الضجه الوحيده هو اسم الكتاب نفسه لان البنت تكلمت عن صديقاتها يوم اشترو معسل ومدري وشو
واللى تعرفت على واحد ومن هذى السوالف اللى تعرفونها .
طبعا المتحررين قالو هذي حقيقه ملموسه والمفروض مانغمض عيونا وشفيها لو تكلمت وقالت
المتشددين قالو ان هذولا مو بنات الرياض . بنات الرياض فيه منهم اللى ماتقوم من على سجادتها ليش ماتكلمت عنهم .
طبعا التيارين تصادمو مع بعض وصار كلن يحط ويشيل فى الروايه وصارت الضجه اللى تشوفون
يعني الحرب اللى صايره هى حرب بين فكرين مختلفين مو حرب للروايه نفسها
وانا مثل ماقلت لكم اتصور المشكله الاساسيه هى اسم الروايه
اتوقع لو كان اسمي الروايه (صديقاتي ) فى تصوري والله محد درى عنها
طبعا كل اللى قلته يظل رأي شخصي