حبيبي و انت في غاية زعلك و ثورتك ما احلاك ..
تباهى بالزعل مدري هو اللي فيك متباهي ..
و لا احلى من زعلك بكل هالدنيا يا كود رضاك ..
ولا احلى من خطاك إلّا إرتعاشة عذرك الواهي ..
و لا أحدٍ يشبهك عندي سواك و لا حدٍ يسواك ..
و انا في حبّك أفْرِق ، حتى انا ما ني من أشباهي ..
لو انّك ما قريت الشعر ما صار الشعر يقراك ..
ولو انّه ما زهاك الشعر ما صار الشعر زاهي ..
أحبك ، كلمةٍ ضاعت من شْفاهي قبل ما القاك ..
و يوم إنّي لقيتك صار ما بشفاهي إلّا هي ..
إذا ما قلت لك في يوم أحبّك و اعشقك و اهواك ..
أحس إنّي جحود لخالقي في نعمة شْـفاهي ..
لَ الشاعر الرائع :
رشيد الدهام ..