صوت الشاعره ..سلومه
ثنـتـيـن تـطـفــي جــمــرة الــــود والــشــوق=الشـعـر والا الـدمـع مــن مــوق عيـنـي
الـيــا تـنـاحـى الـلـيـل غـنـيـت طــــاروق=والا بــكـــيـــت الــــيــــا تــــزايــــد حــنــيــنـــي
وارفــع يــديّ الخالـقـي فالـسـمـاء فـــوق=واقـــــــــول يـــــاربـــــي لــمــثـــلـــي تــعــيـــنـــي
الـقـلـب لاســـرار المـخـالـيـق صــنــدوق=صـــنـــدوق والـــلـــي داخـــلـــه مـايـبـيــنــي
يـالـحـارثـي مــاكــل مــطـــرود مـلــحــوق=الــعـــمـــر يــفــنــنـــه طـــــــــوال الـســنــيــنــي
امسيت ادور حق واصبحت محقوق=والــوقــت قــاســـي حــيـــل عــيّـــا يـلـيـنــي
الـحـظ مايـنـبـاع يـانــاس فـــي الـســوق=والـلـي قـسـم ربـــي كـتــب فـــي جبـيـنـي
صدا ..شاعرالوطن
المزنه اللي كلها رعد و بروق = هاوي مطرها كل ساعه وحيني
بالهون ياسلمى ترا الفكر مطفوق=ووقات اضيع وش يسار و يميني
ثنتين تجمع بين عاشق ومعشوق=الصدق واحساس المشاعر يعيني
وليا تناحى الليل والصدر مفتوق=ولا له جداء غير القهر والونيني
يذكر فرج مولاه والامر محقوق=ومغير الاحوال في لحظتيني
والقلب مايرتاح لاصار محروق=ويخفي صوابه لو صوابه مكيني
والحارثي مايعرف السوم بفروق=ويشري بغالي لالقاله ثميني
وليه التشائم سابق الناس مسبوق=وحطي نقاط احروفها وافهميني
والحظ يبغا طيبة البال ويفوق=ويجي الجميل وينعدم كل شيني