لعيونك في شليهاات المقواه بصور

السلاام عليكم ورحمة الله وبركااته

بصراحة أنا قلت في نفسي وش ناقصني عن شباب جيلي ليش كل واحد عنده خويه وانا لا ؟ وفي يوم مشـمـس وخنفشاري ... حيث كانت اصوات الذباب الرقيقه تلاعب اذاني والصراصير تتمخطــر على جسمــي المرهف والنامس متكي على خدودي يتشمس..وانا اغـط في نوم عميــق وكنت غارق في الاحلام الورديه
وكان طموحى الاول والاخير اني اتعرف على بنت المهم وانا في عز النوم الا وفجــأه .. رن التلفوووون ..
وطبعا تلفووننا شايل ابوي منه كل الارقام .. مو مخلي الا رقمين التسعه والثمانيه ..
يعني مالك أمل تدق إلا على الشرطه وإلا الدفاع المدنـي المهم اني رفعت السماعه واقول نعم .. الا وذاك الصوت اللي يرد الروح .. صوت بنت .. واخوكم اذا سمع صوت بنت اوجعه بطنــه ويجيه انواع الاسهال ... وقالت الووو .. انا مااعاد عرفت وش اقول انشلت براطمي قالت : مين معاي ..؟؟ قلت .. معاك انا .. (( صراحه جواب يدل على ذكائك ..!! )) وهي اللي تضحك .. وانا قلبي احسه مو طبيعي قـالبها سامري واستنزل عندي الكبد والبنكرياس ..انواع الربكه .. وقالت لي .. سوسو موجوده ..؟؟ قلت لها .. ما ينفع حـوحـو ..؟؟قالت مين حـوحـو ..؟؟ ..قلت .. هذا اسـم الدلـع حـق ال**************** اللي هـو انا وضحكت للمره الثانيه على التوالي .. وقالت .. يؤيؤ .. شكلي غلطانه .. طيب آسفــه ... قلت لها لاعادي.. لا شكــر على واجب .. (( دايم اسمع هالكلمه .. وجالس احترري الفررصه اني اقولها ..!! ))وقفلت السماعه تصدقون .. ما ادري وش صار فيني .. حسيت بشعقريــره في جسمــي وان افرازات الخشـم عندي زادت ..وان ودي اروح انبطــح في الحوش واكتب قصيـده هجائيه ..لا يكون هـذا هــو الحـب اللي يقولون .. (( لعن ابو الحب اللي تعرفه يالضفــدع )) عاد انا ماني متعود على البنات .. لان ما شاء الله بيتنا فيـه خـمـسـطـعـشـر رجال اللي هم انا واخواني وابوي وامــي(( الله يخلف على ابوك واميمتك هذا وانت اكبر اخوانك ))((عليه العوض ومنه العوض ))المهم .. يعني انا واخواني ماشفنا بنت ابــد ..
وهذا اللي سبب لنا عقــده تسمــى العقـده الفيسلوجيـه(( من وين جت ذي ..!! )) ومن اعراض هالعقـده
انك تصير تحـب اي شـئ مؤنــث منشفـه , ولاعه , سفينـه , زبيريـه , زباله ,
المهم شي مؤنث وبـس ... لــدرجـة انه في مره من المرمورات (جمع مؤنث تكسير)
جاب ابوي شغاله .. ومن يوم دخلـت البيـت الا وانا واخواني مرتكزين عنــد الباب
ونمشــي وراها.. تدخل المطبـخ واحنا وراها .. تطلع تروح الصاله وراها..
تطلع الدوور الثاني وراها .. تخيل ثلااثطعش واحد وراها ( كنا في طابور الصباح)
وين ما ترووح .. وربي حتـى الحمام لو ما ابوي وامي يمسكووننا اننا لندخـل وراها
واذا جاء وقـت نومها.نتبطـح انا واخواني عنــد باب غرفتها الليـن تصحــى ..
لا ونتميلــح ..عنــدها .. نغسـل عنهــا المواعين والملابس ونكنــس البيــت
كل واحد منا يبيهـا تحبــه المهــم .. انـي قررت انــي اتعرف على بنات (يعني مو بنت واحدة)
بس فيــه مشكلــه وحـــده اللي هـي انـي ما عنــدي اسلووووب ابــد(( يعنـي وقفـت على الاسلوب ))
والمشكلة عندي الف مشكلـه مو مشكله واحدة واهمها مشكلــة الوجه اللي كنـه لوحة انتبه امامك نقـطة تفتيـش ..!! ))
الوكاد اني ما لقيت قدامي ... الا واحد مـن العيال اسمه علوش ..معروف ان البنات ما يعوقون معـاه ..
وانا على طول اللقـط مفتاح سيارتي واروح لــه الوكاد .. انــي رحــت لعلوش .. وعلمتــه بوضعـي وان امنيتــي في الحياة اتعرف على بنـت قبل ما اموت ..(( اخس يالشايب ..!! )
فقال لي .. السالفه بسيطــه اذا بغيـت البنـت تحبــك حسـسـها انها احسـن وحــده فـي العالم
قلت لـه .. يعنـي كيــف .. يعنـي اقولها انتـي احســن مـن مارادونا !
وهو اللي يرفسنـي برجلــه فـي بطنــي .. وقال لي .. انت ثور ..
وش دخل مارادونا يالغبـي .. !! انا قــصدي انـك تحسسها بانوثتها وان ما فيه بنت غيرها في العالم
قلـت لـه .. برضوه ما فهمـت .. يعني تبينـي اذبـح كل البناات واخليها لحالها...!!
وهــو اللي يموه علـي برجلـه ويمحطنــي بيــده علـى جبهتـــي ..... وقال لي .. شوف انت ****************
وما راح تفهـم الا بالدروس العمليــه ... ويطلــع جواله ويــدق .. وقال لي .. شوف انا ها اللحين باكلـم وحــده
وانت انتبــه لاسلوبي .. وتعلــم .. قلت لـه .. طيـــب ...وكلم .. وقال .. هلا حياتي هلا عمـري هلا روحي
انا لــؤي حبيبـك ومجنونك .. (( الحمد لله على العقل .. لعن ابوك وين لؤي معــه والله لو اشوف وجهـه في احســن الاحوال بعــد ما اعطيــه غيـر اسم جعـفــر .. قال ايش قال لـؤي ..!! ))
وقام يقول لها .. احبــك واموت فيــك .. انا بدونك مثــل البيـت بدون حاره .. مثل التلفون بـدون حراره .. مثل السواق بدون سياره .. انا البنـزين وانتــي الشراره .. انا الشارع وانتي الاناره ..انا الرومانسيـه وانتـي الاثاره .. انا مبنى التجاره العالمي وانتـي الطياره ...
((قسـم بالله اني بغيـت اضمــه وابوسه يوم سمعـت كلامه حسيت بشعور غريب لعن الله ابليسه لو يكلم جدار كان ذاب))
المهم .. انه خلـص المكالمـه .. والتفـت لي .. وقال لي .. يالله دورك .. باعطيـك رقـم بنــت وكلمها .. وقول لها نفــس كلامي ... قلـت لـه بكـل خجـل .. طيـب .. وهو اللي يــدق علــى بنــت ويعطينـــي الجوال عشان اكلمها.. وانا اللي اقول الووو .. ويوم سمعــت صوتها ضاعت علومي .. ونسيـت كل الكلام .. وقلت لها .. بابا فيـــن .. وما حسـيت الا بذيـك الجزمـه اللي لازقـه في مقفاي ( وقال لي .. قـول نفس الكلاام اللي قلتـه يالثور ... وانا اللي اقول لهـا... هلا حياتي
هلا روحي هلا تعالي .. وقالت .. طيب وبعــدين ... قلت لها .. انا بدونك مثـل الكيبورد بدون فأره .. مثل التقاطع بدون اشاره .. مثـل ال**************** بدون ****************ه ... مثل السلطـه بدون خياره .. انا الولاعه وانتـي السيجاره ...انا الددســن وانتـي الغماره ... انا طوووط طوووط طوووط طوووط ... قفلـت الخـط في وجهــي
(قال علوش .. وش فيــك ؟؟ قلـت لـه .. لا ابــد الخــط مشغوووول ...!! )
(( ما يعرف يصرف ابــــد ..!! )) وما دريت الا وعلوش مطلــع لوح فيه مسامير ودبجنــي فيــه اللين قلــت للعنــز يا خاله
المهـم .. اني رجعــت للبيـت ودماني تصـب وماليه وجهـي من كثر الطق اللـي جاني مـن علوش00
لدرجة ان اللي يشووفني ما يعرفني .. طالع كنـي مسابقـة .. مـن صاحب هــذه الصوره .. اللي يحطونها في المجلات وانا اللي ادخـل البيــت بشويش عشان مايشوفني احــد .. واطلـع غرفتي واسكــر الباب وانام .. وفـي عــز النوم .. دق جرس التلفون .. وارفع السماعه .. الا وهـي نفـس البنــت اللي كلمتنـي اول مره .. قلـت .. نعــم .. قالت .. سوسو موجوده
قلـت لهـا .. شوفي .. بيتنا كلــه شباب .. وما فيه احـد يبدا اسمـه بحرف السيــن .. انا واخواني كلنا اسمنا وائل .. وما فيه الا اخوي الصغيــر فهــد هو اللي اسمــه نايف ونناديه عبدالرحمـن (( وش عنــده عادل امام )) والبنــت كرتها ضحكــه .. وقالت ما شاء الله دمـك خفيــف ...
(هي تحسبني استهبل ما درت اني دلخ من جد )) وقلــت لها .. شكــرا .. (( مسوي مؤدب ..!! ))
وسـألتنـي البنــت .. وش تسوي هاللحيــن ..؟؟ .. قلت لها .. والله كنـت نايم ... قالت .. يؤ يؤ تنام في الليل انــت ..!!قلت .. اجــل متـــى انام ..؟؟ قالت .. لا انا انام في النهار واسهر في الليـل ..قلـت لها .. ليـش الاخـــت بومـه ..!! قالت .. لا بس الليل وقـت الرومانسيه .. انت تعرف الرومانسيه ..؟؟ قلت لها .. لا والله مااعرف بنات انا ...!! (( مسوي فيها فاهم ))
وسألتنـــي .. انت وش اسمــك ..؟؟ قلت لهـا مصيول وسألتها.. وانتــي وش اسمــك .. قالت .. داليدا .. قلت لها.انا
ابي اعرف اسمــك مو عيارتك قالت .. هــذا اسمــي(( هذاولي البنات .. تسألها وش اسمـك .. تقول رهـف والا شوق والا افنان .. ولو تشوف دفتر العائله حـق ابوها تلقى انواع الفضائح .. ))
وسألتنــي .. مصيول انت جربت الحـب ..؟؟ قلـت لها.. جربته وعشت احلى
ايامي فيـه كان حـب عفري .. (( قصده حب عذري بس انه من جنبها ..!! ))

بس انتهى هالحب .. لان اللي حبيتها خانتني ... قالت لي .. من حبيـت ..؟؟ قلت لها .. حبيـت عنـز جيراننا .. بس انها خانتني مـع تيــس سوري عشان لـه قــذلـه ...!! المهم .. ان البنت قالت لي .. اوكي اكلمك بكره لان امـي تناديني .. قلت مو مشكلــه ..وتطورت العلااقه .. وصرنا نكلم بعــض كـل يوم .. وانا انقلــب حالي
.. ولاحظو اهلــي انــي تغيــرت .. يعني نكون جالسين على الغـدا والا العـشا وانا ما آكــل .. سارح واحك خشمي .. وبعـض المراات انسى اصبعـي داخل خشمــي ولاحظوا اهلــي انـي صرت مؤدب واقرا واجد .. وانا اقرا عشان اعررف كلاام جديد في الحـب .. تلقاني اقرا كتـب الشعــر والحب والطبـخ لا تستغربون لان كتب الطبخ اتعلم منهاا كلاام حلو بعـد مثـل :ياعسـل , ياحليـب , ياقشطـه , ياكريم كرامل ..
المهم .. انه في ليلـه من الملالليل .. قالت لي البنـت مصيول.. اوصـف لي شكلــك ..!! إلا والله البلشــه .. وش اقولها هذي هاللحين .. اقوولها اني قرد .. اعترف لها بالحقيقه المره واقولها اني جدار مالي ملامح ...
اعترف لها 0000((الف حمد لله وشكر ))الوكاد انـي قلت في نفسي .. يا ولد خلني اسوي مثـل كل الشباب .. وانصـب عليها يعني تلقـى الواحد من الشباب شين واذ شفته في الشاارع ما تدري هو رايح ولا جاي لان وجهـه ماله معاام ..ولو تشوف وجهه تحسبــه واحد معطيـك مقفاه .. يعني مفرض يحـط لوحه على وجهـه ويكتـب :ترى هذا وجهـي .. عشان الناس ما يلخبطون بين وجهه وقفاه...
وانـا مثلكم واردى بعــد .. انا اذا قابلت احد يجلس ساعه محتار وين وجهي من قفاي
وما يعررف الا اذا لقـى الورقه .. لان فيني ورقه مثل اللي تجي في الفنايل والسراويل
عشان تعرف ورى من قداام ...!! المهـــم .. انـي قلـت لهـا انا عيوني مثل عيون جواد .. وطولي مثل الله يرحمه طلال الرشيـد .. وخشمـي مثـل خشـم خالد عبدالرحمن .. وملحـي مثل ملـح راشد الماجد .. ومهضوم كثير مثـل رامي عياش ... ((والله ما ناقص الا تحط ملحـن معاهم ويكمـل الاوبريت ..!!))الوكاد .. ان البنــت شكلها خقـت معــي وتشدقت من الفرحه .. وسألتها انا :وانتي اوصفي لي شكلـك .. .. قالت .. ما اقدر .. لما تشوفني بتعرف .. لان مالي شبيـه .. (( اخسس يا بريتنــي ..!! )) .. وانا اللي افـك خشتــي وسعابيلي تقوطر .. كني كلـب شايف له عظمــه ... وقلت لها.. يعني باشوفك ..؟؟ قالت .. اكيــد .. انا بكره باروح شاليهاات االمقواه اللي على طريق حائل مشاار .. ونتقابل هناك .. قلت لها .. بس هذيك للعوائل بس .. قالت عاد انت دبر نفسـك ... قلت اوكي مو مشكلــه بس كيف اعرفك ... قالت بيننا الجوال .. اذا وصلت كلمني وانا اعلمك وين تلقاني .. قلت لها خلاص الوعـد هناك ....المهم .. اني انا توهقت .. وش لون ادخــل الشاليهات وهي للعوائل ...
وقلت مالي الا علوش .. اتصل عليه واتفاهم معاه ... ودقيت عليه .. ورد علــي وقال بعصبيه .. نعم وش تبـي يالغبـي ..؟؟..وعلمتــه بالسالفه من سلسل اللين طقاق عليكم ..((تراني اقصد من طقطق اللين السلام عليكم بس مدلخ شوى ))وقال لي .. والله صعبـه وش بتسوي .. قلت له : وش رايك تلبس عباية وتسوي نفسك حرمه وترح معي على انك زوجتي ... وهو اللي يتغير وجهه وقال ..انا ولـد ابوي .. قلت له .. بالله .. توني ادرري .. كنت احسبك ولد ابوي انا ..!! قال .. تستهبل يالزبال ..اناا اسوي نفسي حرمه .. يا ويل ويلي ويلاه .. خيل الخيـل خيالها.. قلت له .. يارجال انطم لادوس في بطنك .. جالسين في مضارب الباديه احنا ..!! .. قال لي .. لا يا وائل هذا شي ما اقدر عليـه .. وش اقول للجماعه ..؟؟ كن الرجال معروف وهو ما احد درى عنه قلت له .. ومن قاالك اننا بنحضر عرس .. حنا بنرح الشاليهات .. وانت ما راح تكشف وجهــك ابــد قال .. طيب ليش انت ماتسوي نفسـك حرمه وانا الرجال ..!! قلت لـه .. يا خوي انا ما اقدر .. لاني لا رجال نافع ولا حرمه نافع .. وبعدين حتى لو غطيت وجهـي بيكشفون اني ماني حرمه من ريحتــي اللي كنها ريحـة شرابات عزوبي
قال لي .. خلاص .. بس لا احد يدري ... قلت لـه .. ابشــر .. بس جهز نفسـك بكره بامرك ونروح ...
وأخـذت سيارة واحد من العيال .. ورحــت لبيت علوش ولقيت عنـد باابهم شحاده..وهي اللي تجـي تبي تركب .. قلت لها .. الله يعطينا ويعطيك يا خاله .. وهي اللي تطق قزازة السياره شوي وتكسرها ..وانا اللي اطلع من جيبـي ريال ونص كنت ناوي اشتري فيـه توكـس ..
بس قلت مو خساره فيها عشان الله يوفقني .. وتوني افتح الدريشـه باعطيها .. الا وهي تقول افتح الباب الله ياخذ هالراس ..... الصوت مو غريب علي ...يوه علوش.. قال .. ايه علوش الله لا يبارك فيك .. افتح بسرعه قبل ما يطلــع احد من هلـي ... وفتحــت لـه الباب وركب .. وانطلقنا للشاليهات ...
المهم وصلنا الشاليهات .... ونزلنا من السياره .. وامســك يـد زوجتي .. اللي هـي علوش سابقا ... ودفعنا التذاكر .. ويوم جينا بنـدخل .. وقفنا الحارس اللي على الباب .. وقال .. لحظــه لازم زوجتك تـدخل محـل تفتيـش النساء لاننا شاكين فيهـا .. قلت لــه .. ليش في مطار حنا .. تراه شاليه .. بعدين وش فيها زوجتي ...؟؟ قال الحارس ... ياخوي وش هالحرمه اللي لابسـه زبيريات ....!!!!! وانا اللي اناظر في ارجول علوش الا فعــلا لابس زبيريات ..!!!! يالله لا تفضحنا بـس ... وانا اللي اقول للحارس ممكن تتركني معا زوجتي ..
ابيها في كلمـة راس .. قال لي ادخل هالغرفه الفاضيه وتفاهم معاها ... وانا اللي اسحب علوش للغرفه .. واترفس في بطنــه وانواع الاكواع .. لعن ابوك يالغبي زبيريات مره وحــده ... قال :وش اسوي ما لقيت جزمـه كعــب على مقاسي ..وقلت له .. اسمع نزل العباة على ارجولك عشان ما احد ينتبــه يالغبي ...
المهم .. اننا رجعنا للحارس .. واعتذرنا منه على سوء التفاهم .. ودفيناه بميـة ريال عشان يسكــت ... واول ما دخلنا استاجرت شاليه صغيـر وقلت لعلوش يجلــس فيــه .. وانا باروح ادور خويتي .... وطلعــت
ودقيــت جوال على خويتي .. ووصفــت لـي مكانها ... تقول انها عنــد
الشجـر اللي جنـب المطعــــم ... وانا اللي اروح هناك .. واجلـس ساعتين ادورها ومالقيتها ... وادق عليها جوال قلـت لها.. وينك فيــه لي سااعتين ادورك ... قالت .. انت ويـنك با الضبــط ؟؟؟.. قلت لها.. انا واقـف جنـب كيـس زباله .. وانتـي وينــك ..؟؟ .. قالت .. انا واقفه جنـب واحد شكلــه مجنون وعليه قل صـحه ... وانا اللي التفت وراي .. اوب .. هــذي هــي .... (( افا طلعـت انا المجنون اللي تقصـده .. وطلعـت هي كيـس الزباله اللي اقصــده ..!! ))وهـي اللي تنصـدم ..وقالت .. هــذا انت ..!!وين الوصـف اللي تقول ..؟؟ اجل طلال الرشيــد هاه .. امحـق طلال اللي تشبـه لـه انـت ... صادتني ان عيوني مثل عيون خالد الملا .. وجسمي مثل نبيل شعيل .. وخشمي مثل عبد المجيد عبدالله ..!! )) .. قلت لها .. لا انا فعلا مثل ما قلـت .. بس صار لي حادث هو اللي اثــر على وجهــي .. ولا انا كنـت حلو ...(( اييه هيــن ..!! ))قالت .. مو مشكلــه اهـم شي اسلوبك اعجبنـي .. قلت لها .. اشوى ان اعجبـك شـي فينــي .... وطلـبت منها انها توريني وجهها قالت .. طيب بس لا يشوفنا احـــد .. وانا اللي اغطــي عليها .. وقلت لها ..يالله بسرعه .... وهـي اللي ترفــع الغطوه .. وانا اللي اضحـــك ..!! قالت ..وش فيــك تضحـــك ..؟؟ قلت لها.. يالله عاد بدون استهبال ....!! قالت .. وش فيـــك ؟؟ .. قلـت لها .. يالله بسرعه شيلــي القناع اللـي على وجهــك لا تستهبليــن ....!! وهي اللي تقول .. هــذا وجهــي الصدقــي يالقرد ... وانا اللي انصـــدم واحـس ان الارض تدور فينـــي ... وش ذا الوجـه الشين. اول مره اشوف وجـه يطلــع منــه ريحــه مخيســه ... لعـن ابوها حتـى الشجــره اللـي كنا واقفيـن جنبها رفعـت ثوبها وانحاشت ..
وكل الشجر اللي كاان حولنا انحاش وراح وقـف في مكان ثاني بعيــد من شيــن وجهـها ....!!!وانا كنـت حاط في بالي كلام رومانسي جلست عشرين دولار يوم احفظ فيـه .. عشان اذا شفتها اقوله لها .. بس يوم شفت وجهها اللي كنـه وجـه واحد جالس في مجلس رجاجيل وعنده اسهال ... وضيعت كل الكلام اللي حفظتـه وقمـت الخبـط في الكلام .... سألتـها .. ليـش الغمـص ساكـن عيونك ..؟؟ جاوبتنـي ..مـن الأرق ..!! سألتـها .. طيب وش هالببسـي اللـي مكبوب علـى ثوبك ..؟؟ جاوبتنـي .. هـذا مو ببسـي .. هــذا مـرق ..!! سألتهـا .. طيب ما عندك غيـر هالثوب ..؟؟ جاوبتنـي .. الا كان عنـدي بـس انســرق ..!! سألتهـا .. طيب ما دامك شينـه وشهـولـه تغازلين ..؟؟ جاوبتنـي .. انا كنـت حلوه .. بس ان وجهـي انحـرق ..!! وسألتنـــي .. وش رايك فيني .. ما اشبـه
باسكال ..؟؟ جاوبتهـا .. انتـي جسمـك جسـم باسكال .. بس الوجـه الله خلـق وفرق ..!!المهـم انـي ما قـدرت اتحمـل وجـههـا وقلـت لها .. انتـي جــدك الاكبــر كان غوريلا ..؟؟ قالت لي .. لا تطنـز انت ووجهــك .. انا اول كنـت مصـدقه ان الديناصورات انقرضت .. بس من يوم شفـت وجهــك عرفت ان هالكلاام اشاعات...!!!
قلـت لها.. شوفي يا آنســه جراده .. انا ودي اجاملك واقولك كلام حلــو .. بــس وجهــك يقول مالك امـــل ..!! قالت لي .. والله حتـى انا بعـد ودي اقولك كلام حلو .. بس وجهــك ما يساعد .. وجهـك كنــه دعاية لا للمخدرات ..!!
المهــم .. ان كـل واحد منــا تفــل فـي وجـه الثاني ورحنا... وانا مـن الصـدمـه توقف تفكيــري .. كل آمالي واحلامي راحت ادراج الدواليب .... وركبــت السياره .. ورجعـت للبيــت وانا متحــطم .. كنـت
متخيــلها مثـل اريام والا نانسي عجرم .. وطلعـت مثــل فطومـه ... لا خلاص ما عاد ابــي اتعرف على بنات ...(( تكفـى آخر مره .. حرام تحطـم قلوب المعجبات يا راغب علامه .. اقول انطم بس))الوكاد .. انـي سكرت باب الغرفـه .. ونمــت نومة عدوكم .. (( مسوي علوم رجال ..!!)) وما دريت اليوم الثاني الا بللي يرفس الباب .. وانا اللي انقز من فراشي ... وش السالفه يالربع .. الا وهو ابوي يصايح .. افتـح يالسمرمـدي .. افتـح لا بارك الله فيــك ... وانا اللي افتــح الباب .... الا وابوي في وجهـي ووجـه ما يطمـن .. ويطلـع ذيـك العجرا من وراه .. وانواع التلحيـــط .. واخواني وامــي واقفيـن عنــد الباب يتفرجون الانذال ... من لقاها مصارعه على الطبيعــه .... المهم .. ان ابوي شغال ضرب فيني ويقول تتزوج من ورانا يالخسيــس .. قلت لـه .. والله ما
تزوجت ... قال .. الا .. لان الشاليهات اتصلوا علينا وقالوا خـلوا مصيول يجي ياخذ زوجته اللي نساها امــس ... وانا اللي تضيـع علومي ..وابغي افهـم ابوي السالفه .. بس انــه شغال ضرب فينــي .. ما ترك لي فرصـه
.. وبعــد جـهــد جهيــد قــدرت انفــك مـن ابوي .. ورحـت لآخــر الغرفـه .. وياخذ ابوي نعال ويرميها علــي ... وانا اللي اوخــر عنها بـسرعـه وامسكهــا بفمــي ...(( متأثر بالأفلام ..!! )) واخواني يوم شافوني سويت هالحركـه وهـم اللي يصفقون ويصفرون لــي ... وانا اللي اتحمــس .. وانـط على ابوي وامسـكــه مسـكــه منومــه .. (( خربها الغبـي مع ابوه ..!!وينـط واحد مـن اخواني ويمسـك يـد ابوي ويرفعها اول مره وطاحت ويرفعها ثاني مره وطاحت .. ويرفعها ثالث مره وطاحــ... لا لا لا لا غيـر معقول ... رفـع ابوي يــده وقام يأشر باصبعــه يعني لا تراني ما نمــت ....!! ويوم شفتــه ما نام .. وانا اللي اقوم وامسـك ارجوله .. واسوي لـه حركـه مقصيــه عشان يستسلــم .. بس ما استسلم .. واخواني يقنعونه انــه يستسلــم بــس هــو عنيــد يحاول يـزحـف عنــد الحبال .. بس انا ما اخليتــه يتنفــس ... وفجــأه .. اوه .. لا ..تــدخل خارجي ... امــي جابت المقلاة ومحطتنــي علــى جبهتـــي محطــه مــدويه ... وتدخلوا اخواني ومسكــوا امــي وطلعوها برا الحلبــه ..((عائله دلوخ ))المهم انــي دخــت وما عاد ادري ويـن انا وطحــت مكاني .. ويزحـف ابوي بشويش .. ويحـط يــده على صــدري .. ويعدون اخواني .. واحد .. اثنيـن .. ثلاثـه .... فاز ابوي هييييييه ...((الحمد لله والشكر)) المهم اني فهمت ابوى السالفه ((ما اصلح في جريات ابد اعلم واكع على طول))ونمر بيت ابو علوش ونعلمه وانواع التمحيط فيني 00 المهم انا وصلنا الشاليهات وقلت له معى لك مفاجأه وهو اللي يضحك قال والله اني خابرك ذيب ما تترك خويك كذا الرجال ولا بلاشو وانا اقول في صدرى ايه هين وهو يقول اكيد بتعرفني على وحده من خواتها قلت ايه انا بعرفك على وحده صحيه 00 وهو يبي يشوف المفاجأه بيفصخ العباه قلت لها خلها عليك كذا احسن((انواع النذاله فيني))وصلنا السياره .. الا وابو علوش ما سك مفــك العجـل فـي يــده
يحتــري ولــده ... وعلوش مـن هول الصــدمه ماعاد شالته رجليــه .. طاح مكانه وقام يصيـــح ويولول ... واستلمــه ابوه انواع تفقيــع الوجــه وانواع الترفيع والتنزيــل .... وانا جالس اتفرج ومبسوط .. وما دريت
الا وابوي ماسكني وانواع الركب .. وانا اللي اصيــح فيــه .. هيه يابو الشباب .. حلى هــي ..!! توك طاقني قبـل شوي ...!! قال ابوي ... اييه صحيح .. بس عيـب الرجال يطـق ولــده وانا جالس اتفرج .. لازم اسوي شـــي انا بعـــد ...(( لا صراحه ان ابوي فاهم في الاصول .. طالع لي ..!! ))المهم .. عقــب الطــق اللي كليتـــه انا وعلوش .. تزاعلنا مـع بعــض .. وانا حرمت اتعرف على بنات .. ومثل ما قال المثــل .. ابعـــد عــن الشر يا عمري وغني لوه .. ودان دان لدانه دان واويلوه مشكلني حبك يا روح الروح مشكلنـــي .. يا لبيه يالبنات اللي مع راشد في الفيديو كليـب .. اروح طحينيــه معاهم ((شكله ما تاب ناوي ينطق مره ثا نيه وسلامتكم واسف على وجود بعض الكلمات في الموضوع ولكنه كله من باب الفكاهه (( تكفأ ياجم كيري))


اما الصور خفت اني احطهم يسكر المنتدى من وجهي

تحيااتي القلبيه لكم