حايل عروس الشمال الغيم غنَّا به=يازين حايل إذا قالت بعد حيِّي
إيوالله ان الكرم والجود يزها به=ياحي حيِّي وياميتي ويافيِّي
الغيث لا من نزل يستأذِن هضابه=يقول بعد الإذن بَسْقِيك من ريِّي
الله على جَوَّهَا والمسك بِتْرَابَه=يعني على قولة أهل الذوق من زيَّي
العين لاغَمِّضَت تشكي له اهدابه=من خوف حايل تمر بْظَرْف وتْعَيِّي
تفداك روحي وروح اللي فتح بابه=ياقِمَّة المجد ياعشقي ويَاطَيِّي
جْبَالك اللي يحيط العز مرقابه=تكوَّنت من شموخك يابعد حَيِّي