يـافـهــد قـلـبـي يـتـلـه صاحـبـي بـعـروقـه=لاطـرى يـكـوي خـفـوقـي مـن فـراقـه كـاوي
انـذبـح قـلـبـي بـجـوفـي مـن لـهايب شـوقـه=وصرت عن فـرقى كحيل الرمـش ماني قاوي
ليـن شـفـت الـفـكـر تـايـه قـاعـدن في سوقه=سـاهـرن جـفـني وجـسـمي من فراقـه ذاوي
ويـل قـلـبـي كـان حـالـت مـن وراه فـلـوقـه=او عـوى مــن دون داره فـي خـلاه الـعـاوي
عـنـدلـن ماشـفـت مـثـلـه فـي حـلاه وذوقـه=لامـشـت يـطـوي ثـيـابـه فـوق ردفـه طـاوي
رمـح عـيـنـه شال قـلبـي وانـقـطـع معلوقه=رمـحـهـا طـاح وتـمـكـن مـن خـفـوق الراوي
جـسـمـهـا كـتـفـن وردفـن والجـدايـل فـوقه=ضامـرن بـطـنـه ورمـشـه ساحـرن كحلاوي
ريـحـهـا كـن الـمـعـاطـر فـوقـهـا مـدفـوقـه=مثـل ريـح الـعـود الازرق والبـخـورالجـاوي
والـثـنـايا يـوم تـضحـك تـلتـعـج لـه لـوقـه=لـو مـلـكـت حـبـال وصلـه غـيـرهـا للـهـاوي
عـنـقـهـا يـظـهـر بـياضه مع طـوارف طـوقه=كـنـهـا بـرقـن تـلالا فـي مـزونـه ضـاوي
كـنـهـا مـهـرة عـقـيـدن بالـلقـاء مـصلـوقـه=مـن مـنـاجـيـب الشـريـف وفـوقـهـا بـرقـاوي
عـيـبـها حـمـرة خـدوده والـحـلا بـخـلـوقـه=ومـبـسـمـن يـشـلـع خـفـوقـي يـافـهـد مـايـاوي
تـفـهـم شـروط الـمحـبـه مـع جـميع حـقـوقه=وطـيـبـها بالـوصف يـشـبه زوجـة الظـلـماوي
مامـشـت درب الخـديـعـه بالـهـوى والبـوقه=ولامـشـت بالسـوق تضـحـك مشـيها حجلاوي
كـنـهـا عـن شـوف عـيـنـي فـي نـبا شاهـوقه=ديـرتـن يـزمـي سـرابه وسـط قـيـظـن داوي
ويـل قـلـبـي كـان حـظـي والـقــدر مـاذوقـه=وش سـواتـي بـالـضـمـايـر لازواه الـزاوي
يافـهـد وشـلـون نـصـبـر بالـهـوان وضوقـه=دام مــيـلادي بـحـايـل نــسـبـتـي بـقـعــاوي
راح اطـارد زول خـلـي مـع ضحـاح بـروقـه=تـابـعـن ركـب الحـبـايـب لو شوان الشاوي
لـين اطـيـح بـروض عـشـبـن طـافـحـن رقروقه=وتـخـبـرك ناسـن لقــتــنـي حول نـزله ثاوي
عـاشـقـن يـطـرد عـنـودن مـاهــنـاه لـحـوقـه=وامـنـعـوا مـن قـال هـذا فـي حـيـاتـه غـاوي
وقـل لـهـم هـذا شـهـيـدن مـهـجـته مـصـفـوقـه=واسـألوا عـن صـدق قـولي شيخنا الشعراوي