ياجماعة الربع وش الحيله براع الشعلا هاللي فغص لي حول خمس لغوز الى الان لكن
مالي الا انخى حوريه المطسسه غديها تصدمه وهو على الشعلا عند مبيعة الغنم0
من شاف حوريه ومن جاب رده=من شان تفزع بالعجل دون تاخير
اللي جميع الزين يـسـكـن بـخـده=تشبه جميلات الزهـر والـنواويـر
من فوق ددسن ياعرب مين قده=تفحـيطها مثل الحبارى مع الطـيـر
كم شارعن غصبن تجيه وتسده=من كثر ماتصدم وتقـفل لنا السير
المـوتر اللـي تـحـت رجله تكــده=شره على البدوان صدمن وتكسير
ليـتـه تطـارد لـي ذلـول وتـحــــده=وراع الشعـلا يلـقى مغثه وتكدير
وتلـعـن لي الجـربا وابوها وجده=وتضغـط عليها حاميات المزامير
ودي تخـابــط بالـشـبوك وتـصـده=وتسمع مصارينه طبول ومواطير
ويطـلـع وراها تـقــل دخـان نــده=مايـمنـعه عنها رصيف ومواصير
اما تعــديـها ورى ســيـف جــــده=والا ورى عذفاء وذيك الدعـاثـير
ادري ان راع الشعلا متباعد حوريه لانها مذكورتن له برالي تورا بورا هالحين
متقدمه على الافغانيه كلهم بخمس الاف لفه لكن ياسرع والله ماتليب
عليك ياراع الشعلا وتخلي ذلولك تطرش الصبط اللي كلته
من مزرعة منيذر المذراقه بس صبرك علي00
العضو الأكثر نشاطاً هذا اليوم 
العرض الشجري
