كفنوها شوف عيني ودفـــنوها = في ثياب العرس يا قصه غريبه
ويلهم من ربهم كيف اغصبوها = اليتيمه واجبروها بالغصيبه
زوجــــوها واحــــــدٍ كبر ابوها = واحرموها من تمناها نصـيـبـه
يوم صاحت ورفضت ما عبروها= لاجل ما به عندها منهو تلتجيبه
امها مــتـوفــيــه حين افطموها = ولا لها عقبه قريب ولا قريبه
غير ابوها وزوجته ظلم احكموها= عندهم ابسط مطالبها صعيبه
في بداية عمرها هم عـــــذبوها = والنهايه زوجوها غصب شيبه
مارعو دمعتها حين ارخصوها = عالجو روح المصيبه بالمصيبه
مثل باقي اخوانها ما قـــــدروها = امنعــوها كل شيءٍ تـشـتـهـيـبه
جعل ابوها للعمى هو وام اخوها = ومن يسوي مثلهم ربي حسيبه
ومن سلب حق اليتيمه مثل ابوها= الله انه في حـيـاتـه لا يـثـيـبــه
العضو الأكثر نشاطاً هذا اليوم 
العرض المتطور
