مويضي البرازيه من مطير بنت ابوحنايا شاعره مجيده وكثيرا مايتم الخلط
بينها وبين مويضي العجميه زوجة الشيخ جديع بن هذال راع الحصان وكلاهما
شاعره ولكن العجميه اقدم بمائة وخمسين سنه تقريبا00
جاء رجل فارس وخطب مويضي البرازيه فقالت لاختها خوذيه فتعجبت الاخت
كيف تعاف هذا الفارس فقالت انا عصبية المزاج والفارس لن يتحملني سوف
يضربني ويطلقني فتزوجت به اختها واسمها بنا 00
وتزوجت مويضي واحد ابن حلال فقالت بنا مفاخره لها:
زوجي غلب زوجك على هبة الريح=ومحصلن درب الصخى والشجاعه
ركاب شوقي كل يومن مشاويح=واليا لــفى صـــكـــوا عـلــيـه الجــماعه
يالبيض شومن للوجــيه المفــاليح=ولاتقــــربن راع الــــردى والدنـاعه
فقالت مويضي:
ماهم بخافيني رجال الشجاعه=ودي بهم بس المناعير صلفين
اريد مندس بوسط الجماعه=يرعى غنمهم والبهم والبعارين
واذا نزرته راح قلبه رعاعه=يقول ياداف الحشى ويش تبغين
وان قلت له هات الحطب قال طاعه=عجلن يجيب القدر هو والمواعين
ولو اضربه مشتدة في كراعه=ماهو بشاكيني ولا الناس دارين
وكان زوج مويضي اذا زعل عليها يقول لها يالطولا 0 معياره يعيرها انها طويله
وهي تزعل مويضي وترد عليه فقالت:
طول الحجب ماعذربن كل قبا=يوم الوغى مايركبه قاصر البوع
اقعد ببيتك جعل بيتك يهبا=ياعل بيتك بين الابيات مجدوع
عسى الصغير بيننا مايربى=عساه مايلعب على فرخ جربوع
انا بزعمي ان الاخير هو طير شلوى لانه يبي الستر والوناسه
وش يبي بدوخة الراس وابوضاري يوافقني بزعمي
انا مع بعد حيي سرينا مع الساري=ومن زار ابوصالح غدى الضيف والمضياف
هروج الردى بالمنتدى مالها طاري=لان القلم يكتب وينظر لابو نواف