هذا لغز BMW موجه للجميع واتوقع ان نور تحله لانها مبطيه
ماحلت لغز 0 ومنيذر له فروتي لو يحله وش رايكم ياجماعة الربع؟؟
وقبل اللغز هذي ابيات ترويق واستجمام:
دخـلـة الـدكـان صـارت لـي عـقـوبه=والـمـقـادر لا دنـت يـجـري سـبــبـها
لا ربحت اللي عـنـيـت الصبح صوبه=ولا حميـت الروح مـن حـفـرة لهـبـها
بـس شفت اللي يـضـيــم الردف ثوبه=مـع عـيـونـن يـسحـر الخـافـق هـدبها
النصيـب الـشـيـن حـطـن فـي دروبه=جـمـرتـن ربـي على الخـافـق كـتـبـها
واهــنــي الـلـي يـذوق الـريـق نـوبـه=كان قــلــبــي لاخــذاه ولا كـســبـهـا
وهذا اللغز اسهل من شربة الشاهي بظلال العصر عقب القايله
حيلكم بووه00
ياويـش بنـت ذكرها كان شـايع=بالمدرسـه يانـور والله قـريـتـه
اول حـروفه بين شاري وبايع=دايم غـثـيـث لخاطرك لا عطـيـته
وتالي حروفه داخلن بالصنايع=واول يبيه اللي بغى عمر بـيـتـه
مايقـربه رجل يـريـد الــزرايـع=وياويل منذر ياعرب كان جيته