البارح كنت معزوم على فرح ( زواج ( عرس )) وانا طقن لكم الكبك ولابسن فنيله طوق
المهم حبيت اعدي على البقاله قبل اروح للعرس
ودخلت البقالة واشتريت واحد بيبسي وباونتي
وحين ولجت طالعن من البقالة كان فيه سحليتين عند الباب
وكل وحدة تقول هذا لي
وانا ولا كني واخد بالي مسوي ثقل
وانا اركب السياره واسكر على رجلي
ركبت وجلست اطالع المشهد اخليكم مع المشهد
كل وحده تتهاوش مع الثانية وتقولي لي
انا قبلك
وهات يا هواش بينهم وانا جالسن اناظرهم واحك اذني بالمفتاح
والله وتجي الاوله وتصفق الثانيه بكف
والثانية تصك الاوله بطراق
وحاسن الدنيا فوق تحت
والثانيه تغول الاوله بالغدفه واتجر شوشته
والاوله تمسك جديلة الثانيه وتلزق به علك
والثانيه تعض اذن الاوله وتحصل به حصاة وتقرضه
عزيزي التمساح
اننا اليوم في موقف عظيم ومشهد محزن حين نجد السحلية تتقمص دور البطله وهي حقيقة بصلة
وبعد البحث المضني والمستمر خلال عمري خرجت بنتائج لاباس بها واهدي بحثي هذا لكل تمساح محب غارقون في التمسحه
وحبيت اقول ان هذه النتائج ملزمة للجميع واللي ما يقبل هالنتائج يا ويله يا سواد ليله
وعلى فكرة أي واحد يقول عن النتائج غلط تراني بتوطى في بطنه وبمردوغه وادوس على جبهته
شئ ثاني أي سحلية تغلط في حقي تتحمل ما راح يجيها
الامر الاخير مدري وش انا بقول س حطيته استحياطن
1- حين تجد السحلية تكثر من البربرة امامك ويختلط الحابل بالنابل فعرف انها بدات تسذب
2- حين تجد السحلية تتنمق معك بالكلام مع ابتسامة ساحره فعرف انها نوت تنفض مافي الجيب
3- حين تجد السحلية تبكي وتذرف دموع السحالي فثق تماما انها ناوية توديك في ستين داهية
4- حين تجد السحلية تتمكيج وتتملح فاعرف انك لا محاله راح توديها لعرس
5- فارغ على وزن كلام فارغ
6- حين تشاهد السحلية تمضغ العلك باعوجاج طرفي حنكها فاعرف ان هناك مصيبة سوف تحصل بعد قليل
7- حين تشوف السحلية طايرتن بوهته اعرف ان هناك من وصفها بالشينة وهو على حق
8- حين تجد السحلية وضعت الفكس فوق الكمدينه فاعرف انه لابد لك من تغييرها
9- حين تشوف السحلية معها جوال العنيد وتبحث عن بلوتوث فاعرف ان بطاقتها سوا
10- حين تشوفن اخربط فاعرف اني جالسن اخربط