الجوع كافر .. والعدو أكفر

.

قال الشمالي يوم صدره ضاق وانهارت قواه=يازمانن يصعب لصدر الشمالي يحتويه
واااا وجودي كل ما نادوا بـ حيّا للصلاه=و"القبلة الاولى" تلّفت حولها وين الوجيه؟
ويا وجودي كل ما غيّرت توجيه القناه=واشوف جثه طفل يبكي فوق راسه والديه
ويا وجودي كلما عوّد على راسي صفاه=واذكر دموع ايتام غزه يوم كانت تنتخيه
ويا وجودي كل ما جوفي لقـى زاده ومـاه="مبروك حسني" ماقبض زمّور حلقي بين يديه
وجد من واجه بني صهيون والخاين وراه=في يده سبعة خناجر يغرسه في جانبيه
الصبايا والعجايز في السجن مثل الرفاه=العدو من فوقهم والجار قطّب حاجبيه
الجوع كافر والعدو اكفر وفزعتنا الطغاه=والجماهير السفيهه تتبع لراي السفيه
يعني منين الله يجيب النصر ويحل قضاه=والمسلم اكبر ما يواجه من عدو ..منّه وفيه
أعتذر والعذر منكم ما بقى عندي عداه=لأنني ياتراب غزّه في جثامينك شبيه
أخرس ٍ أصقه أعمى مغلوب امره من عماه=في القطيع امشي وادودل هامتي ياسايقيه
البلا ان عروقنا ماصار تنبض بها حياه=وشيخنا الي طايعينه لا يحس ولا عليه
"تسيبي ليفني" يا جميله ياشبيهه للمهاه=في عيونك طايرات(ن) تقصف عيون النبيه
فتنتك ماهيب فتنه تسلب عقول الدهاه=الا فتنة دهورت روس "الكنانه" .. بيه بيه
حمرا شفاتك خاثر الدم المطهّر اعتراه=من جروح اخواننا والرمش ليلٍ يعتريه
ليل ٍ أظلم من قلوب اسيادنا لامن شكاه=شعب غزّه لجل كسرة عيش او كاس مويه
وصوتك المبحوح لامن مر في اذني دفاه=مروحيّات(ن) ...ألا يتعسْ عين اللي تبيه
اعتذر لحسنك الي وصف شعري ما كفاه=الاّ في وصف ٍ على دمع المحاجر نبتديه
واعتذر لضلوع صدري لا زفرت وقلت آآآه=واعتذر لأحلام يقظاتي إلا من قلت : ليه؟
واعتذر لليل لامن لفّني بأسود عباه=وقمت اناجي يا إلهي يامجيب ٍ من رجيه
اطلبك كود انه يشافي الروح ما نرجي سواه=فيه ما عدّا علينا من جرايم نقتضيه
يشفي صدر ٍ شمالي ضاق وانهارت قواه=في زمانن يصعب لصدر الشمالي يحتويه

.