أنده بصوت من العنى مستخلي - وين ياللي لي معك راحت البال
بسم الله الرحمن الرحيم
السلام عليكم ورحمة الله وبركاته
‘‘‘
‘‘
‘
أتمنى أن يرتقي ذوقي لسموكم الكريم . . .
البارحه مريت لديار خلي = شوقي زما والسير لديارها مال
نظرتها نظرات ميتٍ يتلي = آخر نفس ومناظرٍ قربه أطفال
جلست أبي من شوف داره أملي = عيني بدارٍ فارقه خير نزّال
راحت بي الذكرى على ماضيٍٍ لي= ما ضل من هاكَ الوفى غير الاطلال
بديت أذكرها ودمعي يهلي = وانثر من العبرات في كل مدهال
كل مطرحٍٍ بالدار ذكرى تسلي = ذكرى حبيبٍ ساكن الجوف ما زال
هذا محل الريم وهذا محلي = وهذا الشجر اللي انتدارا به ضلال
في كل جدار انظر خياله يهلي = والفيه كلي شوق وألقاه ينزال
أناظره مثل القمر يبتسملي = واطارده في مطرحه كل ما جال
وانده بصوت من العنى مستخلي= وين انت ياللي لي معك راحت البال
وين انت ياللي مالكن صرت كلي = زلزلت في بعدك حشى الروح زلزال
وين انت يا أحلى بقايا بقن لي = مالي بقايا غيركم والسفر طال
وين انت يللي للتعاسة تجلي = اليوم انا وسط الكدارات رحال
وين انت صدري ضاق من ما حصلي = تركتني في حال واليوم باحوال
يا ليت ضلٍٍ ضللك كان ضلي = وياليت تفداك العزيزه وتنزال
اشكي لمن؟ وانا همومي شكن لي! = والعين حارب شوفها كل الاشكال
سود الليالي بالمصايب طون لي = خَذان عزيز00 وعوضني بغربل
يا ريم بعدك عال(ن) الروح علّي = سيفٍ يحز الروح بقفاه واقبال
غير أتصبر وأحتسب ما حصل لي = وأكتم عباير حسرتي خوف الأنذال
وأبقى على الذكرى وفي ٍ مجلي = والحمد للباري على كل الأحوال
أخوكم : سعود مياح الشمري
|