سؤال خطير صراحة..
لالا مو خطير وبس.. إلا سؤال قليل أدب ومايستحي وعيب ياماما روح العب في الصالة..
طيب وش ذنبه الطفل الباحث عن الحقيقة ؟؟
طفل يبي يعرف هالنّونو من وين طلع ووشلون جا أصلاً!
تفكير منطقي وسؤال منطقي كذلك.. ويزيد الطفل فضولاً حينما يتهرّب الآباء من الإجابة وتحمرّ الأوجان وتتلعثم العبارات..
إذا انسألتي ياماما ولا انت يا بابا لاتصرفون الموضوع وجاوبوا الطفل إجابة توحي ببعض الحقيقة دون تصريح..
ولا تسوون مثل ما سوّا أبوي علمنا كل شي وكان يجيب لنا أفلام تعليمية تشرح شلون يجي النونو وخلانا نندم على السؤال..