06-08-2009, 12:23 AM
|
#1
|
بيانات اضافيه [
+
]
|
رقم العضوية : 8673
|
تاريخ التسجيل : Jul 2008
|
أخر زيارة : 05-13-2024 (09:58 PM)
|
المشاركات :
5,076 [
+
] |
التقييم :
70
|
|
لوني المفضل : Cadetblue
|
|
لو تفهمون الحب
لو تفهمون الحب
لـو تفهمـون الـحـب يامكذبيـنـه
حرام ما يبقـا علـى الأرض كـذاب
حب الشرف ماهي طواريـق شينـه
عز الله إنه في خفوقـي مشـا وذاب
مشي العسل مشيـه تماسـك هوينـه
يمسك عروق القلب باالحيـل جـذاب
بعض البشـر يحـب حبـن يهينـه
حب المصالـح والمشاهيـه نصـاب
وبعض البشر يحـب ولحـدن يعينـه
ميعينه الا الي خلـق حـب واحبـاب
مثلـي بحبـي ياكـثـر لايميـنـه
مايصدقون الحـب بلـوا إذا صـاب
ياليت كل مـن حـب تكفـي يمينـه
كان بشجاعه لنتزعهـا مـن اشنـاب
وارضي هوا نفسـي ولحـدن يهينـه
مار البلى لاصار حبك مـع اجنـاب
زي الفقيـر الـي حلومـه خويـنـه
عزيز نفس وعزتـه كنـز ماتجـاب
لـي لابتـن مثـل الثريـا مبيـنـه
تاريخ عبده يحفظـه قلـب واكتـاب
خصـن إذا قالـو سناعيـس حينـه
يشيب راس الطفل ويخيب من خـاب
لاكن مابي كثـر الحكـي ولايمينـه
ولابي بعد افتح علـى دنيتـي بـاب
اصبر علـى ظلـم اليالـي المهينـه
واصبر كما تصبر على الدمع الأهداب
منهـي احبـه لـو تشوفـون عينـه
لتصدقـون إن المنيـه لـه اسبـاب
كـن الوفـا يبـرق بعالـي جبينـه
وكن الصـدق بشفافهـا سكـر وذاب
فريدتـن باالوصـف ثقـل ورزينـه
ربي خلق فيها تواصيـف واغـراب
مـا تقـدر اقلامـي تعبـر دفيـنـه
واصفه ابد لامع غريبيـن او اقـراب
كن الشقا مسكوب فـي وسـط عينـه
شفته وشافن عضـة الـداب باالنـاب
قول الصراحـه كـل شيـن يبينـه
لو تتركن عن حبهـا القلـب ماتـاب
يعني شقـا عمـري تزايـد سنينـه
ومقدر ابدلها مـع الوقـت بااحبـاب
حبيلها حـب العمـى لشـوف عينـه
وشوقي لها شوق المساجيـن للبـاب
كثـر البكـى مايـرد منهـو تبينـه
الصبر ياعيني امـل كـل منصـاب
وجدي علـى فرقـا حبيبـن تبينـه
وجد الغريب الي تذكرلـه اصحـاب
ولوهي نست من كل ترضـع جنينـه
منساك والله لو نسـو كـل الأحبـاب
لامـن ذكـرت ايـام بينـي وبينـه
يذوب دمعـن قبـل فرقـاه مـاذاب
تسـوا بعينـي كـل قطـر ومدينـه
وتسوا عيونن عقبها الدمـع ماغـاب
يـاالله يالـب كـل حيـن تعيـنـ تعين قلبي من صواديـف الأسبـاب
انشهـد إن الحـب قلبـي سجيـنـ حكمه مؤبد حكـم مـن رب الألبـاب
|
|
Instagrem
👇
app_store_sa
|