يمـوت عـود وتــنـدفـن بـذرة الـعـود=واللـي لقـى جـرم الحمـاده وقـدهـا
بيت الشعر والبـدو والطـرش والـذود=وأرض المحل والجـوع يقلـع ضمدهـا
مافطـرت كبـد السمـا حدرهـا كـود=نــوح الحـمـام بورقـتـه لافقـدهـا
وأربع فصول مـن السنـه مابهـا فـود=أم ٍ تشـح بثديـهـا عــن ولـدهـا
حطوا على وجه الخريطـة لهـا حـدود=ماطشت غيـوم السمـاء مـن حسدهـا
قاع ٍ قفر جردى تلاعـب مـع النـود=أعمـى الغطـاط عيونهـا مـن جهدهـا
تنطر متى وقـت القنـص علـه يعـود=يوم ٍ به الصقار يوفي وعدها
وحر ٍ عشق رجم ٍ على حزومها السود=فـعـل العـديـم بصيـدتـه لافـردهـا
ماكنه الا وايلي ٍ رقى سنود = من وجهة الغيمه تنطـّح بردها
واليوم سوح الرمث غلق ٍ علـى ورود=ومـن العـدم سبـحـان رب وجـدهـا
وبرق الحماد اللي سقـى بـذرة العـود=قصيدةٍ مـاكـل شـاعـر قصـدهـا