قالوا جفاك وقلت يجفى بكيفـه
انا اتلـذذ فـي المحبـه بجفـواه
قالوا ذبحك بطعنة الهجر سيفـه
قلت اتركوه احيا بطعنات يمناه
ربيع عمري عايشه فـي خريفـه
وعن الشتا تدفى ضلوعي بطرياه
واخيل برق الغيم في عز صيفـه
واسقي جذور الحب لاهلّ من ماه
املا نظر عيني ليا حـل طيفـه
واروي ظما القلب المعنى بذكراه
والله لـو قلبـي تزايـد نزيفـه
لسقيه دم عروق قلبـي ويفـداه
عمر مضى واللي بقى من حليفه
يرخص لجل عينه وفدوه لماطاه
القلب بيت الحب والزين ضيفـه
باقصى معاليقي من سنين مركاه
يشب ناره بالضلوع النحيفه
الشوق زنده والاحاسيس تحماه
عيون قلبي في هالمزايين كفيفه
والله ماشفت مع الناس حلياه
بدر السما لاشع نوره وصيفه
لاوالله الافارق في مزاياه
شجاعه ورجولة وكل ميـزه شريفـه
من لامني جعل المنايا توطاه
اللي خلق فيه الطبـوع العفيفـه
اطلب منه جعل المنايا تعداه
ياعاذلين القلـب والله ماعيفـه
هذا حياة الـروح ولقلبـي دواه
قالو جفاك وقلت خلوووه كيفه
حلفت باللي زين الكون مانساه
ممآ رآق لــــي..
العضو الأكثر نشاطاً هذا اليوم 
العرض الشجري
