center] [/FONT]
بسم الله الرحمن الرحيم
السلام عليكم ورحمة الله وبركاته
بصراحه حبيت اكتب موضوع عن زميلتي الله يفرج كربها يارب ويصلح شانها وراح تستغربون قصتها حتى وانا قاعده اكتب لكم اقول في نفسي معقوله فيه رجال كذا
المهم زميلتي موظفه وعندهاولدين وبنوته لسه كلهم صغار وما شاء الله عليها ماينقصها شي مو لانها زميلتي امدحها لا والله والله يشهد علي جامعه كل شي حلو جمال ودين ومال الله يرزقها
زوجها طلب منها ان بطاقتها تبقا معاه وهو بيصرف عليها من حلالها ((االمال مال ابونا والقوم طردونا))
رفضت وهددها انها تندم بصراحه هو يحبها ما جاء ببالها الا مجرد تهديد مثل تهديده كل مره هالمره الرجال محصل وحده تاجره مليارديره طبعا ورث من ابوها المتوفي وهي مطلقه وكبيره شكلها اكبر منه بعد تقول زميلتي كلمني بالجوال وقال ابقي عند اهلك واتركي راتبك ينفعك لاني ملكت وبتزوج
المسكينه فوضت امرها لله وتقول الحمدلله ما قصرت معاه بشي وكلها يلاقيها عند ربه ان شاء الله حسبي الله عليه ومانيه ندمانه لاني ما غلطت بحقه ابد
الرجال لما دخل انصدم بصراحه لانها ولاشي عند مرته الاولى وما تنقارن فيها لكنه يكابر للان ويبغا الثانيه علشان المال ورجع بيراضي زميلتي لانه ما يحصل مثلها لكنها رفضت انها ترجع على ضره
وهو يقول لها انا ابي اسعدك عملت كذا وتزوجت
الله ياالدنيا قبل الزواج يهددها ويسبها وبعد الزواج حس انه يحبها
معقوله وين الحب اللي تتكلمون عنه وين الوفاء وين السعاده هل هي بالمال فقط
هل يتنازل الرجل عن زوجته واولاده مجرد ما يحصل وحده عندها مال ايش ما كانت
اسئله كثيره تجول بخاطري خانني التعبير عنها
مع العلم بان زوجها راتبه ممتازجدا لكن الطمع الله لا يبلانا
همسه
غاليتي الله يفرج ضيقتك والله يوفقك لكل خير ويصلح لك اولادك وبنوتتك