أيــا زوع قلـبـي زوع كـيـلـة كلاشـنـكـوف=إلـيــا قــــب ليل(ن)والـفـوانـيـس مـطـفـيـه
عليه إحدعش في دايره واخمصه معطوف=مـعـه مخـزنـيـن وحـجــرة الـنــار ممـلـيـه
على ذراع مصطور النشاما تقل مصفوف=الـيـا مــن عرضـلـك ماتـقـل شــي بـيـديـه
سوى لمعته يـا وجهـه لـك وجـاك الخـوف=حـرام(ن)عـلـي فـــلا يـنـيـشـن سـمـاويــه
سيكوباتي طباع(ن)لعين الجدف مشغـوف=بـحــب الـجـرايـم مـاتـرحـم عــلــى بــيــه
يصيب الهدف هديف فعله على المكشـوف=مهـو بـعـض ناس(ن)عاملين(ن)حونشـيـه
أنـا طــار قلـبـي لوقـبـل بالـوكـر مكـتـوف=كـفـخ مــن مـكـانـه وأنـتـظـر ردتـــه لـيــه
سبب جادل(ن)شفته تمايـل غنـج بعطـوف=يـــذوب الـمـولـع لالـمــح نـقـشــة ايــديــه
كماعـود بان(ن)هـب يمـه شبـه عاصـوف=هبوب(ن)مـن الشاطـي حمـل يـمـه المـيـه
نطحنـي وناطحتـه هفـي الحشاءغطـروف=زهــى قـفـره الـواسـع جـــوازي زبـيـديـه
وفـل أشقر(ن)ليتـه مخلـي الشعـر ملـفـوف=تبـي عـن هجيـر الشمـس يصبـح لـه الفيـه
وصــرت اتكـلـم قـلـت ياحـلـو ياغـريـوف=أبـــي مـنــك كـلـمـه غـيـرهـا مـالـنـا نـيــه
فضيحـه اذا قـمـت اتكـلـم وانــا مشـطـوف=مـع السـوق وأهـل السـوق تنظـر حوالـيـه
وقمـت اتبعـه ودي اسـوي مـعـه مـعـروف=وقـالــت انـــا مـابــي جـمـايــل عـزوبـيــه
سلام(ن)على العزاب والشاعـر الملهـوف=اذا طــــاح مـثــلــي بـالـفـتــاة الـشـمـالـيـه
وسلامتكم
الشاعر / سعد الغيثي