يافتى الجود شرق يافتى الجود.=. واركب الصعب يارجل المهمات
مابقى صبر لكن انت موجود.=.تنتخيلي اليامن جتك الاصوات
اركب اللي صنعهاصانع سكود.=.مركب العز في عصر الحضارات
اكفخ بليل لامن ذعذع النود.=.ودع جبال شمّر بس بسكات
لابةٍ عزها محمود مشهود.=.طيبهم لاح في راس الطويلات
خاطري ماش يامشكاي ملهود.=.مابقى للحكي والضحك لذات
كل ماجيت دربٍ صار مسدود.=.مابقالي مدار ولا اتجاهات
وصل العلم صار الوقت محدود.=.وانت عاد احفظ اللي بالملفات
وانت طبعا مع اهل الطيب موعود.=.بانتظارك حزامي بالصعيبات
خبره بالخبروالعلم مردود.=.رووس الاقلام يقرونه مشتات
وان قراها يبي يعطيني الفود.=.شاعرن قرم ما تعصاه الابيات
يابوصالح وانا للنقص والزود.=.ضعت مابين تحديد المسارات
حي موجود لكن وين مفقود.=.بين صوت الحياة وصوت الاموات
عقد الايام فيها شرط وبنود.=.والسما زينت صدره مجرات
حظي اقول والاايامي السود.=.كلها يالسنافي مالها اثبات
وقصتي يمكم ماارسلتها كود.=.اخذ الرد وافي منك بالذات
........................هنا رد الشاعر عبدالله العمودي......................
يافتى الجود غرب هاك مردود=
_=واركب اللي مصممها الخواجات
_لمبته بالسماء تقول عبرود=
_=كبتنه كاسب علم وخبرات
_كبتنه باصعب الحالات مشهود=
_=بالقياده معه علم وشهادات
_من خليج العرب والدرب محمود=
_=اكفخ بليل مابين المدارات
_يم حايل لابن حمدان مقصود=
_=يشتكي بالزمن عله وضيقات
_لاوصل طق راس العود بالعود=
_=ابشر ابشر تبي تلقى سلامات
_وكان صار الحبل يالقرم معقود=
_=لاجل عينك نعمل المستحيلات
_نشتكي للولي هو خير معبود=
_=مالنا غير رب البيت مشكات
_كاتب لك نصيبك وانت مولود=
=وقبل ماينعبد في مكه اللات
_ كان تشكي زمان الهم والكود=
_=اصبر شوي تلقابه ملذات
_كانه ادبح لغيرك ماانت مقرود=
_=يقتلب والزمن لفه ودورات
_اشهد ان البشر بسهود ومهود=
_=دام تقرا تبارك والتحيات
_والبلا ياسعيد شله العود=
_=زمرة مايحبون العبادات
_شله ابليس فيهم قول موعود=
_=من تبعهم لعنه الله لعنات
_جاك ردي عسى مافيه منقود=
_=والعذر كان بالمضمون زلات
......................وهنا قصيدة الشاعر حمود التميمي على نفس القافيه...................
ياسلام" شـذاه المسـك والعود =
=يزرع الطيب بوجيه الصداقات
يابو صالح سعيد شاف منقود =
=في خطوط العناوين العريضات
في بيوته ملامة جهد مجحود=
=وأعذب الشعر شعر أهل المعاناة
المعاني غدت للقاف بارود =
= يابوصالح وهات العلم لي هات
ادري أنه يفضفض بس محدود=
= ينثر الجرح والجزلات جزلات
يوم غيره لقاه سهود ومهود =
=شاف ماشفت من بعض العلاقات
وصل سعيد ابيات" ٍ من حمود=
=به سلامي -ومضمونه سلامات
دائما ً ماتفتح أبواب اللغه الفريده
ومفايتح الإبداع المشرق
وهنا ألتقت منارات الشعر الراقيه
سعيد العمودي
عبدالله العمودي
حمود التميمي
وهل بقي شي آخر نفتخر به ؟
قامات شعريه وهامات رائعه صنعت
لغة التميز
فلله دركم على هالنصوص الصادحه
واصل لغة التميز المشرقه ..
العضو الأكثر نشاطاً هذا اليوم 
العرض العادي
