أذكرك مع صدح فيـروز الأغانـي
مع بداية عامنـا ويـش الجديـد ؟
شوق ، وغياب ، وكسل مشي الثواني
وانتظـار البـاب ساعيـن البريـد
انتظرتك .. لين بـرد المـا كوانـي
انتظرت بفارغ أحزانـي .. وحيـد
والليالـي شمعهـا ذاب .. وبكانـي
من كثر ما استرجع الذكرى واعيـد
كل ما شوقـي لشبّاكـك خذانـي
ردني عن شوفـك السـور الحديـد
مرّ عيد .. ولا وصلت ، ومرّ ثانـي
وانت تعرف ويش معنى ( يمرّ عيـد )
ماني مغيّـر مـع الفرقـى مكانـي
لنّي أدري بـك تجـي لـوّك بعيـد
صاحبي .. لك كل شكري وامتنانـي
اعتبرنـي ميّـت احسـاس وبليـد
لا اتّعـذر ؛ والعـذر غيّـر معانـي
لا تذرّ الملح فـي جرحـي التليـد
يخت أمانينا هجـر حضـن الموانـي
ظنّك ان مرّ العمر نقـدر نصيـد !
صاحبي .. والعمـر محتـاج لأمانـي
لاجل تحيا وانت واعـي مـا تريـد
وانت امانيّـي ، وتفسيـر الأغانـي
وانت حلمي ، وانت تبرير القصيـد
وانـت قنديلـي إذا همّـي غشانـي
والفرح لحضـورك الباهـي وليـد
خلّني .. لا جيت اباغرق بك عشاني
لا تنجّيني مـن المـوت السعيـد !!
لـ كل ْ من سـ يمطر بـ عينآه هُنآ ..
" شكرا ً من القلب " ..