هـذي جـروح مـبـطـيه يـآمــضــآوي..؟؟
لاتنشدين الغصن وش فيه ذاوي
مليت اجاوب كل من صاح نشاد
هذي مواري علتي والبلاوي
وهذي مواري دمعتي حزن وحداد
هذي جروحٍ مبطيه يامضاوي
دايم عليها تنزف اجروحٍ اجداد
جرحٍ عطيبٍ وازرق الدمع كاوي
وليل الشقا يضرب على خافقٍ باد
جرح الزمن اصبح لقلبي مخاوي
مثل الرفيق اللي عن الدرب ماحاد
اسير قلبي في همومه شقاوي
كنه سجينٍ سيق للموت منقاد
لاعاد له ضحكٍ ولا له شقاوي
ولا له مع العالم تباشير واعياد
بين الظلوع يجر صوته خلاوي
يغني جروحه شقى .. هم واسهاد
وش حيلته لاصار طيره نداوي
الوقت جاير والمخاليق نقاد
|