يضيق الفؤاد ولاعلى من زعل منقود=مدام الشجاع يلومه بفعله أخوانه
وأنا لي شهر ضايق وأحاول ولامن فود=عسى اللي بيده يفعل ولو خانوا أعوانه
ومدام الشعر سيفي وأنا ياعرب محدود=طلبت الله أنه تشفي الصدر قيفانه
على واحد مايكفي أن قلت به مقرود=يظنه على المله وهوعبد شيطانه
تهجم على خير البشر والجميع شهود=ونجاسة فؤاده ترجمه شتم بلسانه
وترى كل قول قيل عندي عليه ردود=ولكن قصيدي صعب يكتب على شانه
أبلوم حكام العرب والعمر معدود=وأنا أدري قلوب الناس للرد عطشانه
مدامه تبع لأسياده اللي عليه تزود=كتاب الطهارة عندهم عكس عنوانه
يسبوننا ليلاً نهاراً بليا حدود=وبلدننا بإعلاهم غبن مليانه
وسفارتهم في نشر الإشراك له مجهود=ومن منهج التفريق والغدر رويانه
وإذا زارنا كلب من القوم قلنا عود=نرحب وكن الكلب ماغادر أوطانه
أمانة ياحكام العرب والفكر مشدود=قلوب العرب من كثرة الظلم زهقانه
نبي نقاطع الأنذال ماقد طلبنا زود=إذا باقي(ن) غيرة على الدين وأركانه
فلاح العايد