رحلة هاوي وعشوق للنفود موثقه بالسوالف والفضايح والصور

السلام عليكم ورحمة الله وبركاته ,,


عندما يبتزغ الفجر وتبزغ شعاعات الشمس وتنبزغ قطرات الندى وينبزغ كل شي جميل عساكم ماتنبغزون يارب

وعندما يغرد العصفور الجميل وهو يلحن صوته منادياً عصفورته الجميله .. عند ذلك تسحب عليه العصفوره وتعطيه خامس وأشكل وهو عاد دور وجه بين العصافير الشماتين السرابيت

وعندما تلحن الطعسه مغازله الطعس وهو بلشان بسياره مغرزه به عندها يختفي الجميل ,,

وعندما تبزغ هذه الأشياء يظهر لكم شخصين ,, كادا ان يذهبا غلطة عمر بسبب الطفقه والضحيه والعيد ,,


تقرير عن رحلة خاصه لي انا وهاوي الشمال ,,


نبدأ هذه الرحله بسم الله ..


من بداية الرحله وهاوي مطفووووق ,,



اهاه تجودوا لطلعة الطعس




يوم شفت هالبيت تذكرت الشاعر :

جيت وبقايا نارهم حول الاطناب = بيت الشعر مطوي وباقي زهابه

يبي يفضخ قلبي من فوق هالطعوس هاللي ماينتخي






لاتستغربون وتقولن هذا أثر ناقه ولا أسد ولا غورلا .. لالا هذا اثر رجلين هاوي





هنا كتبت اسمي عشان الطعس اللي يحب الطعسه يستحي على وجهه ومايكتب انا احبك موت صح يانور الدنيا ولالا ..





القرم هاوي شمر عن يدينه على العزبه ,,





المهيله به طعم حمص جبت العيد بنا ..





واحلى كباية شاي للمعلم عشوق






اتصال طارئ يخلينا نترك العزبه والشوايه المتبله اللي جاهزه للشوي .. ولكن لبينا النداء بزعمنا 911 على غفله





تركنا كل شي مكانه على اساس نص ساعه بالكثير نرجع للمكان ونكمل الكشته والشوي والسوالف




البحث جاري عن المغرزين ,,





الحمدلله لقينا الغشماء








هنا بدأت المشكله والخيانه ..
ربطنا جذع شجره نبيه حطب لنا ..
لكن تفاجأنا ان اللي ساعدناهم ربطوا الشجره بسيارتهم ولاذوا بالفرار
وأبت شيمه الشيخ عشوق والشيخ هاوي ان تختطف من تحت حمايته ,,

وبدأت المطارده الشرسه اللي عفنا تاليته ,,

وهاهم منحاشين وشوشه الشجره معهم تقل جنيه







لم يردعه اي رادع مسبوع الرقبه
وكذلك هاوي بعد باعه بخمسه ريال الخبل عشان الشجره





وبحركه خطيره وقفناهم وخذينا الشجره وانقلبت الحكايه على روسنا حنا منحاشين وهم ورانا





والمشكله ان القهوه والشاهي طفت نارهن .. واللحمه تسبدي تفرك عليه

وهنا لحظه هدووووووء بعد المطارده





طول المطارده وانا مغمض ومتغيب واقول ياربي ياحبيبي متى اغمض وافتح وانا ماشي للشرقيه ياعل ماهي عاده هالطلعه


وهنا بعد العوده للموقع ..

وبدينا شوي بسرعه ..










يازين العافيه بس عقب هالفلم





معاهدة سلام وسوالف وعلوم طيبه






هذ المتهم






نفس عميق ياحلوين على هالمنظر ..







وفي الختام هذه القصه من وحي الخيال
لحد يصدق شي ابد ابد واستروا ماواجهتوا ..


صديقكم \ عشوق