السلام عليكم ..
كثير يستفسرون عن الكبيبا / طريقة لفة / طريقة طبخة ..
الصراحة معقدة شوي وتدبل التسبد وامي دايم تعوذ من لفة
عاد قلت بفرجة على من يجدون معضلة بلفة
بمشي معكم حبة حبة ..
أول شي نبدى بتزيين الحشوة واللي سبق وكتبتة بركن الطهاة :
هذي المقادير ولو ان امي نكبة بالمقادير مالة وزنة
عاد ابراء للذمة سألتة وقالتلي التالي /
شوين عنبر رخيص < سلكوا
شوين رز مصري ..
طماط مقطع صغير مرة
بصل مقطع صغير
زيت
بصل اخضر
صلص وبرواية اخرة صلصة طماط ..
بهارات ( بزار حايل + كمون + كركم + صرار " فلفل احمر حار " + ملح )
تخلط كلة سوا .. ونتركة على جنب ..
الحين نجيب ورق العنب ويفضل ويستحسن انة يكون طازج ..
الصراحة ماخبرت اني ذقت كبيبا من ورق عنب معلب !
يمكن تضبط بس ماقد جربنا ..
المهم هالورق تقمعينة ( تشيلين الغصن الزايد )
وطبيعي بيصير مغبر او وصخ .. يا انتس تغسلينة بماء وتحطينة بمشخالة او
تجيبين فوطة وتمحشينة حبة حبة
وترى عادي مو شرط تخلينة لين ينشف تشتغلين بة وهو رطب ..
قضينا من الورق نجي الحين للمعضلة العظمى الا وهي اللف
ترى مطلعتة من الفريزر مش طازجة يعني
وموعت وحدة بالمكرويف وكرفتة بالتطبيق ..
صحيح لا اجيد لفة بس اتبعت الصفطات
تفرشينة وتحطين الحشوة على الجهة اللي بة العروق ..
ونبدى نصفط
1
2
3
4
5
6
وقضينا حبة وحدة
المهم عاد تخيلي عزيزتي انك لفيتي كمية لابأس بها ..
الحين جيبي القدر اللي بتزينين بة واتبعي التالي /
ادهني قاع القدر زيت بالفرشة ..
وصفي اللحم او دجاج وحطي حلقات بصل + طماط + بطاطس + شرايح ليمون + شرايح قرون
وحطي علية شوي بهارات وملح خفيف وصلصة
بعدين صفي الكبيبا
وحطي القدر على النار وخلي النار نص او اقل وبعدين جيبي ماء بارد
وجيبي صحن اصغر من القدر وحطية فوقة الكبيبا
الغاية منة انتس لاصبيتي الماء يوزعة بشكل صحيح
صبي الماء لين يغطي الكبيبا مهو يسفح ..
وخلية يطبخ على نار هادية ولاتشربت الكبيبا الماء
ذوقي ملحة اذا ناقص خضي ملح بماء وعيدي نفس الطريقة اللي قبل ..
واقصري النار زيادة
وعلى حسب اذا نجضت واستوت لاتزودينة ماء مرة ثالثة ..
واذا ناشفة وماستوت عيدي صبي ماء للمرة الثالثة ..
تقريبا تاخذ بالطبخ 4 ساعات او اقل ..
وعلى نار مقصورة مرة واذا حسيتي انة خلصت
حطي زيت زيتون والا زيت مقلي ببصل مدري بصل مقلي بزيت
وصبية علية ..
هذي النتيجة يوم خلصت وطفينا النار وتركناة تستقر شوي