للقاف مدهال ٍ بساس المواقيف=والشعر عندي صارم ٍ مايجاجي
وإن شفت ضول ٍ بالموارد مهاديف=أصد عن ضول ٍ بجوه عجاجي
وأنا قوافيي مثل حشمة الضيف=أحطها بأقصى الحشا لإحتياجي
أعوم به وسط البحر كالمجاديف=وأشرب قراح ٍ ماخلطه الهماجي
بحر الشعر ماهو خيالات مع زيف=قاعه صعيبه للذي بإدراجي
ماياصله من يملي الوقت بالحيف=يتيه في ليله بدون إنبلاجي
يروح وقته ممتلي بالتحاسيف=لا واصل ٍ حروه ولامن ملاجي
وأنا قوافي خاطري عن هواء الصيف=ألقى بها طب ٍ يسمّى علاجي
أخوكم / ممدوح بن زايد الشمري
.
الحمدلله رب العالمين والصلاة والسلام على أشرف الأنبياء والمرسلين
أشكر إدارة منتديات بعد حيي على منحي وسام الشعر
واتمنى من الله ان يوفقن لمى يحب ويرضى ثم للي يجملن مع من وضع الثقة بي